நானியின் 'ஹிட் 3' ஓடிடி ரிலீஸ் எப்போது? வெளியான அப்டேட்!

தெலுங்கு திரையுலகில் முன்னணி நடிகர்களில் ஒருவராக வலம் வருபவர் நானி. இவர் நடிப்பில் கடந்த ஆண்டு வெளியான ‘சூர்யாவின் சனிக்கிழமை’ திரைப்படம் நல்ல வரவேற்பை பெற்றது. இப்படத்தில் பிரியங்கா மோகன், எஸ்.ஜே.சூர்யா உள்ளிட்டோர் நடித்திருந்தனர். இந்த திரைப்படத்தை தொடர்ந்து நானி, நடிப்பில் வெளியான திரைப்படம் ‘ஹிட் 3’.

இதையும் படியுங்கள் : சாலையை கடக்க முயன்ற 7 பேர்… அடுத்த நொடி நடந்த சம்பவம் – மதுரையை உலுக்கிய கோர விபத்து!

பிரபல இயக்குனர் சைலேஷ் கொலானு இப்படத்தை இயக்கியுள்ளார். இப்படத்தில் ஸ்ரீநிதி ஷெட்டி கதாநாயகியாக நடித்துள்ளார். கிரிமினல் ஜானரில் உருவாகியுள்ள இப்படத்தில் நானி போலீஸ் கதாபாத்திரத்தில் நடித்துள்ளார். இதில் நடிகர் கார்த்தி கேமியோ ரோலில் நடித்துள்ளார். பிரசாந்தி திபிர்னேனி தயாரித்துள்ள இப்படம் மக்களிடையே நல்ல வரவேற்பை பெற்று வருகிறது.

இத்திரைப்படம் இதுவரை உலகளவில் ரூ.120 கோடி வசூலித்துள்ளதாக கூறப்படுகிறது. இந்த நிலையில் இப்படத்தின் ஓடிடி ரிலீஸ் குறித்த அறிவிப்பை படக்குழு வெளியிட்டுள்ளது. அதன்படி, இப்படம் வரும் மே 29ம் தேதி நெட்பிளிக்ஸ் ஓடிடி தளத்தில் தமிழ், தெலுங்கு, ஹிந்தி, மலையாளம், கன்னடா ஆகிய 5 மொழிகளில் வெளியாகிறது.