#GameChanger படத்தின் டீசர் எப்போது? படக்குழு அறிவிப்பு!

ஷங்கர் இயக்கத்தில் ராம் சரண் நடிப்பில் உருவாகியுள்ள கேம்சேஞ்சர் படத்தின் டீசர் நவ.9-ம் தேதி வெளியாகும் என படக்குழு அறிவித்துள்ளது.

ஆர்.ஆர்.ஆர். திரைப்படத்தின் மிகப்பெரிய வெற்றிக்கு பிறகு ராம்சரண், இயக்குநர் ஷங்கர் இயக்கத்தில் ‘கேம் சேஞ்சர்’ திரைப்படத்தில் நடித்துள்ளார். அரசியல் அதிரடி திரில்லர் திரைப்படமாக இது உருவாகியுள்ளது. இயக்குநர் ஷங்கர் தெலுங்கு மொழியில் இயக்கும் முதல் திரைப்படம் இதுவாகும்.

இதையும் படியுங்கள் : குஜராத்தில் ராணுவ வீரர்களுடன் தீபாவளியை கொண்டாடிய #PMModi..!

ஷங்கருடன் இணைந்து இயக்குநர் கார்த்தி சுப்புராஜ் இப்படத்திற்கு கதை எழுதியுள்ளார்.இதில், கியாரா அத்வானி, அஞ்சலி, எஸ்.ஜே.சூர்யா, சமுத்திரக்கனி, நாசர் போன்ற முன்னணி நடிகர்கள் நடித்துள்ளனர். ஸ்ரீவெங்கடேஸ்வரா கிரியேஷன்ஸ் சார்பில் தில் ராஜு தயாரிக்கும் இப்படத்திற்கு தமன் இசையமைத்துள்ளார்.

கேம் சேஞ்சர் படத்தில் இடம்பெற்றுள்ள, "ஜரகண்டி" மற்றும் 'ரா மச்சா மச்சா' பாடல்கள் வெளியாகி மக்களிடையே நல்ல வரவேற்பை பெற்றது. இத்திரைப்படம் பொங்கலை முன்னிட்டு அடுத்தாண்டு ஜனவரி 10 ஆம் தேதி திரையரங்குகளில் வெளியாகவுள்ளது. இந்த நிலையில்,‘கேம் சேஞ்சர்’ படத்தின் டீசர் குறித்த தகவல் வெளியாகியுள்ளது. அதன்படி, இப்படத்தின் டீசர் நவ.9-ம் தேதி வெளியாகும் என படக்குழு அறிவித்துள்ளது.