ஜூன் மாதம் வெளியாகிறது ‘ராயன்’ - தனுஷ் ரசிகர்கள் கொண்டாட்டம்!
தனுஷ் இயக்கி நடிக்கும் ‘ராயன்’ படத்தின் ஃபர்ஸ்ட் சிங்கிள் மே. 9 ஆம் தேதி வெளியாகும் எனவும், படம் ஜுன் மாதம் வெளியாகும் எனவும் படக்குழு தெரிவித்துள்ளது.
தனுஷ் நடிப்பில், அருண் மாதேஸ்வரன் இயக்கத்தில் வெளியான ‘கேப்டன் மில்லர்’ திரைப்படம் மக்களிடையே கலவையான வரவேற்பை பெற்றது. இதனை தொடர்ந்து தனுஷின் 50-வது படமாக உருவாகும் ‘ராயன்’ திரைப்படத்தை சன் பிக்சர்ஸ் நிறுவனம் தயாரிக்கிறது. தனுஷ் இயக்கி நடிக்கும் இப்படத்தில் துஷாரா விஜயன், சந்தீப் கிஷன், காளிதாஸ் ஜெயராம், எஸ்.ஜே.சூர்யா, அபர்ணா பாலமுரளி ஆகியோர் நடிக்கின்றனர்.
It's time to raise D volume 😉 #RaayanFirstSingle ARRiving on 9th May 🔥#Raayan in cinemas from June 2024@dhanushkraja @arrahman @iam_SJSuryah @selvaraghavan @kalidas700 @sundeepkishan @prakashraaj @officialdushara @Aparnabala2 @varusarath5 #Saravanan @omdop @editor_prasanna… pic.twitter.com/1fCdFIOmOv
— Sun Pictures (@sunpictures) May 6, 2024
இந்த திரைப்படம் வட சென்னையை கதைக்களமாக கொண்டு உருவாகி வருவதாக கூறப்படுகிறது. படத்திற்கு ஏ.ஆர்.ரஹ்மான் இசையமைக்கிறார். படத்தின் ஃபர்ஸ்ட் லுக் போஸ்டர், புத்தாண்டை முன்னிட்டு வெளியான புதிய போஸ்டர் ஆகியவை நல்ல வரவேற்பைப் பெற்றது. இதையடுத்து படத்தின் முதல் பாடல் எப்போது வெளியாகும் என ரசிகர்கள் எதிர்பார்த்து வந்தனர்.
இந்நிலையில் இதற்கான அறிவிப்பை படக்குழு தற்போது வெளியிட்டுள்ளது. அதன்படி படத்தின் ஃபர்ஸ்ட் சிங்கிள் வரும் மே. 9-ம் தேதி வெளியாகும் என்றும், திரைப்படம் வரும் ஜுன் மாதம் வெளியாகும் என்றும் அறிவிக்கப்பட்டுள்ளது.
