‘சுழல் 2’ வெப் தொடரின் ரிலீஸ் எப்போது?
‘விக்ரம் வேதா’ படத்தின் இயக்குநர்களான புஷ்கர்- காயத்ரி எழுதி, தயாரித்திருந்த வெப் தொடர் ‘சுழல்’ . க்ரைம் த்ரில்லர் ஜானரில் பிரம்மா மற்றும் அருண்சரண் இருவரும் இணைந்து உருவாக்கிய இத்தொடரில் கதிர் , ஐஸ்வர்யா ராஜேஷ், ஸ்ரேயா ரெட்டி, நிவேதிதா சதீஷ், பார்த்திபன் உள்ளிட்ட பலர் நடித்திருந்தனர். சாம் சிஎஸ் இத்தொடருக்கு இசையமைத்திருந்தார்.
இத்தொடர் கடந்த 2022 ஆம் ஆண்டு 30-க்கும் மேற்பட்ட மொழிகளில் அமேசான் பிரைம் ஓடிடி தளத்தில் வெளியாகி ரசிகர்களிடையே நல்ல வரவேற்பை பெற்றது. இதையடுத்து இத்தொடரின் இரண்டாம் பாகத்திற்கான அறிவிப்பு கடந்தாண்டு ஜூன் மாதத்தில் வெளியானது.
Two years of #SuzhalTheVortex on Amazon Prime Video. Thanks for all the love!
Season 2 is cooking!#Suzhal #SuzhalOnPrime@PrimeVideoIN @wallwatcherfilm @am_kathir @aishu_dil @sriyareddy @rparthiepan @bramma23 @AnucharanM #SarjunKM pic.twitter.com/ryqr1u2HOV— Pushkar&Gayatri (@PushkarGayatri) June 17, 2024
இந்த நிலையில் ‘சுழல் 2’ வெப் தொடரின் ரிலீஸ் தேதி குறித்த அறிவிப்பு தற்போது வெளியாகியுள்ளது. இது தொடர்பாக புஷ்கர் - காயத்ரி வெளியிட்டுள்ள எக்ஸ் பதிவில் புதிய போஸ்டரை பகிர்ந்துள்ளனர். அதில் இத்தொடர் வருகிற பிப்ரவரி 28ஆம் தேதி அமேசான் பிரைம் ஓடிடி தளத்தில் வெளியாகும் என அறிவிக்கப்பட்டுள்ளது.
