ஆகாஷ் முரளியின் ‘நேசிப்பாயா’ ரீலீஸ் தேதி எப்போது? - புதிய அப்டேட்

‘நேசிப்பாயா’ திரைப்படமானது அடுத்த ஆண்டு ஜனவரி மாதம் 24 ம் தேதி திரைக்கு வரும் என தகவல் வெளியாகியுள்ளது.

இயக்குநர் விஷ்ணுவர்தன் இயக்கத்தில், ஆகாஷ் முரளி கதாநாயகனாக அறிமுகமாகும் புதிய திரைப்படத்தை தயாரிப்பாளர் சேவியர் பிரிட்டோவின் XB ஃபிலிம் கிரியேட்டர்ஸ் நிறுவனம் தயாரிக்கிறது என கடந்த ஏப்ரல் மாதம் அறிவிப்பு வெளியானது. இதில் சரத்குமார், குஷ்பு, அதிதி ஷங்கர் உள்ளிட்ட நடிகர், நடிகைகள் முக்கிய கதாபாத்திரங்களில் நடிக்கின்றனர். மேலும், இசையமைப்பாளர் யுவன் சங்கர் ராஜா இப்படத்திற்கு இசையமைக்கிறார்.

இந்நிலையில், கடந்த ஜூன் 25ம் தேதி இப்படத்திற்கு ‘நேசிப்பாயா’ என்று தலைப்பு வைக்கப்பட்டு என படக்குழு வீடியோ ஒன்றை வெளியிட்டு படத்தின் தலைப்பை அறிவித்தது. மேலும், படம் விரைவில் வெளியாக உள்ளதாகவும் தயாரிப்பு நிறுவனம் அறிவித்தது. படத்தின் தலைப்பை வைத்து இப்படம் காதல் படமாக இருக்கும் என்பதை அறிய முடிகிறது.

இயக்குநர் விஷ்ணுவர்தன் தமிழ் சினிமாவில் அறிந்தும் அறியாமலும், பில்லா, ஆரம்பம் ஆகிய படங்களை இயக்கியவர். சமீபத்தில், இந்தியில் படம் ஷேர்ஷா எனும் திரைப்படத்தை இயக்கிய விஷ்ணுவர்தன் தற்போது நேசிப்பாயா படத்தின் மூலம் மீண்டும் தமிழுக்கு திரும்பி உள்ளார். இந்த நிலையில் செப்டம்பர் மாதம் நேசிப்பாயா படத்தின் ட்ரெய்லர் வெளியாகி நல்ல வரவேற்பை பெற்றது.

இந்நிலையில் இந்த படத்தின் ரிலீஸ் குறித்த தகவல் வெளியாகியிருக்கிறது. அதன்படி இந்த படமானது அடுத்த ஆண்டு ஜனவரி மாதம் 24 ம் தேதி திரைக்கு வரும் என தகவல் வெளியாகியுள்ளது. மறைந்த நடிகர் முரளியின் இளைய மகன் , 'மாஸ்டர்' பட தயாரிப்பாளரான சேவியர் பிரிட்டோவின் மருமகன்தான் ஆகாஷ் முரளி என்பது குறிப்பிடத்தக்கது.