‘தக் லைஃப்’ ரிலீஸ் தேதி சொன்ன கமல்ஹாசன்!

தமிழ் சினிமாவின் முன்னணி நடிகராக வலம் வருபவர் கமல்ஹாசன். இவர் நடிப்பில் கடந்தாண்டு வெளியான இந்தியன் 2 திரைப்படம் எதிர்பார்த்த வெற்றியை பெறாமல் கலவையான விமர்சனம் பெற்றது. தற்போது கமல்ஹாசன் நடிப்பில் இந்தியன்-3, மற்றும் கல்கி-2 ஆகிய படங்கள் உருவாகி வருகிறது.

தொடர்ந்து அன்பறிவ் இயக்கத்தில் KH 237 வது திரைப்படத்தில் நடிக்க உள்ளார். அமெரிக்காவிற்கு ஏஐ தொழில்நுட்பம் தொடர்பாக படிக்க சென்றிருந்த கமல்ஹாசன், கடந்த 5 மாதங்களாக இந்தியா பக்கம் தலைகாட்டவே இல்லை.

இந்நிலையில் இன்று 5 மாதகால படிப்பு முடிந்து கமல்ஹாசன் சென்னை திரும்பினார். அப்போது சென்னை விமான நிலையத்தில் செய்தியாளர்களின் கேள்விக்கு பதிலளித்த அவர்,  ”Thug Life படம் வருகிற ஜூன் 5-ந்தேதி வெளியாகும் எனக் கூறினார். பின்னர் விக்ரம் 2 படம் வருமா? என செய்தியாளர் கேட்ட கேள்விக்கு, நான் வேறு ஒரு புதிய திரைக்கதையை எழுதிட்டு இருக்கேன்." எனக் கூறினார்.