அதர்வாவின் #DNA படத்தின் முதல் பாடல் எப்போது? வெளியான அப்டேட்!

அதர்வா நடிப்பில் உருவாகியுள்ள 'டிஎன்ஏ' திரைப்படத்தின் முதல் பாடல் நவ.13ம் தேதி வெளியாகும் என படக்குழு அறிவித்துள்ளது.

பாணா காத்தாடி படத்தின் மூலம் தமிழ் சினிமாவில் கதாநாயகனாக அறிமுகமானவர் அதர்வா முரளி. பரதேசி, இமைக்கா நொடிகள், சண்டி வீரன், ஈட்டி போன்ற படங்களில் தனது சிறப்பான நடிப்பை வெளிப்படுத்தி தனக்கென தனி ரசிகர்களை கொண்டவர் நடிகர் அதர்வா. கடந்த ஆண்டு ஹாட்ஸ்டார் ஸ்பெஷல் சீரிஸாக இவரது நடிப்பில் 'மத்தகம்' வெளியாகி நல்ல வரவேற்பை பெற்றது.

அதர்வா தற்போது 'ஒத்தைக்கு ஒத்த' போன்ற படங்களை கைவசம் வைத்துள்ளார். அதே சமயம் இவர் எம் ராஜேஷ் இயக்கத்தில் புதிய படம் ஒன்றில் நடிப்பதற்கும் கமிட்டாகி இருக்கிறார். இதற்கிடையில் அதர்வா 'டிஎன்ஏ' எனும் திரைப்படத்தில் நடித்து வருகிறார். இந்த படத்தில் அதர்வா இரட்டை வேடங்களில் நடித்து வருகிறார். இதில் அதர்வாவுக்கு ஜோடியாக நிமிஷா சஜயன் நடிக்கிறார். இந்த படத்தை நெல்சன் வெங்கடேசன் எழுதி இயக்குகிறார். ஒலிம்பியா மூவிஸ் நிறுவனம் இந்த படத்தை தயாரிக்கிறது. ஏற்கனவே இந்த படத்தின் பர்ஸ்ட் லுக் போஸ்டர் வெளியாகி நல்ல வரவேற்பு பெற்றது.

'டிஎன்ஏ' படம் ஆக்சன் திரில்லர் பாணியில் உருவாகியுள்ளதாக தகவல் வெளியாகியுள்ளது. இந்த படத்தின் படப்பிடிப்பு நிறைவடைந்ததை அடுத்து டப்பிங் பணிகளும் நிறைவடைந்தது. இந்நிலையில் இந்த படத்தின் முதல் பாடல் குறித்த அறிவிப்பு வெளியாகியுள்ளது. அதன்படி இந்த படத்தில் இருந்து 'கண்ணே கனவே' எனும் பாடல் வருகின்ற நவம்பர் 13ம் தேதி மாலை 5 மணி அளவில் வெளியாகும் என அறிவிக்கப்பட்டுள்ளது.