சூர்யா 44 திரைப்படத்தின் படப்பிடிப்பு எப்போது? - வீடியோ வெளியிட்டு மாஸ் அப்டேட் கொடுத்த படக்குழு!

சூர்யா 44 திரைப்படத்தின் படப்பிடிப்பு எப்போது எனவும் எங்கே தொடங்க உள்ளது எனவும் வீடியோ வெளியிட்டு புதிய அப்டேட்டை படக்குழு வழங்கியுள்ளது.

நடிகர் சூர்யாவின் 44வது படம் கார்த்திக் சுப்புராஜ் இயக்கத்தில் நடிக்க உள்ளார். இந்த படத்தினை சூர்யாவும், கார்த்திக் சுப்புராஜும் இணைந்து தயாரிக்கின்றனர். இந்த படத்திற்கு தற்காலிகமாக சூர்யா 44 என்று தலைப்பு வைக்கப்பட்டுள்ளது. இந்த படத்தின் ரிலீஸுக்கு பின்னர் வரும் லாபத்தில் சூர்யா, கார்த்திக் சுப்புராஜ் இருவருக்கும் பங்கு இருப்பதனால் சம்பளமே வாங்காமல் சூர்யா நடிக்கப் போகிறார் என்று தகவல் வெளியாகியுள்ளது.

சூர்யா மட்டும் இல்லாமல் கார்த்திக் சுப்புராஜும் சம்பளம் வாங்கவில்லை என்று சொல்லப்படுகிறது. சமீபத்தில், இப்படத்திற்கு பிரபல இசையமைப்பாளர் சந்தோஷ் நாராயணன் இசையமைக்க உள்ளதாக தெரிவிக்கப்பட்டது. இந்நிலையில், சூர்யா 44 படத்தில் நடிகை பூஜா ஹெக்டே இணைய உள்ளதாக தகவல் வெளியாகி உள்ளது. இவர் முன்னதாக விஜய்க்கு ஜோடியாக 'பீஸ்ட்' படத்தில் நடித்திருந்தார். அடுத்த மாதம் 2-ம் தேதி சூர்யா 44 படத்தின் படப்பிடிப்பு அந்தமானில் துவங்கவுள்ளதாகவும் கூறப்படுகிறது.

மேலும், இப்படத்தில் நடிகர் ஜோஜு ஜார்ஜ் முக்கிய கதாபாத்திரத்தில் நடிக்க உள்ளதாகவும் தெரிகிறது. ஆனால் இது குறித்த அதிகாரபூர்வ அறிவிப்பு எதுவும் வெளியாகவில்லை. இவர் முன்னதாக கார்த்திக் சுப்புராஜ் இயக்கத்தில் தனுஷ் நடிப்பில் கடந்த 2021-ம் ஆண்டு வெளிவந்த 'ஜகமே தந்திரம்' படத்தில் நடித்திருந்தார்.

Preparing for the ACTION at Port Blair, Andaman🛳️ for #Suriya44 🔥 #LoveLaughterWar ❤️‍🔥 #AKarthikSubbarajPadam begins this June!📽️@Suriya_Offl @Music_Santhosh @rajsekarpandian @kaarthekeyens @kshreyaas @cheps911 @jacki_art @JaikaStunts @PraveenRaja_Off @2D_ENTPVTLTD… pic.twitter.com/zEs42lwjdG

— karthik subbaraj (@karthiksubbaraj) May 30, 2024

இந்த நிலையில் இப்படத்தின் படப்பிடிப்பு ஜூன் மாதம் முதல் அந்தமானில்  தொடங்க உள்ளதாக தெரிவிக்கப்பட்டுள்ளது. அந்தமானில் உள்ள போர்ட் பிளேரில் படப்பிடிப்பு தொடங்குவதாக வீடியோ வெளியிட்டு படக்குழு அதிகாரப்பூர்வமாக அறிவித்துள்ளது.