இந்துக்கள் காஷ்மீரை விட்டு வெளியேற வேண்டும் என எச்சரிக்கும் வைரல் காணொலி - உண்மையானதா? | Fact Check

This News Fact Checked by ‘Vishvas News’

சமூக ஊடகங்களில் ஒரு காணொலி பகிரப்படுகிறது, அதில் ஒரு மதகுரு இந்துக்கள் காஷ்மீரை விட்டு வெளியேறுமாறு எச்சரிக்கும் காட்சிகள் இடம்பெற்றுள்ளன.  வைரலான் வீடியோ மற்றும் இந்தக் கூற்று தவறானது என்று விஸ்வாஸ் நியூஸ் கண்டறிந்தது. பிபிசி உள்ளிட்ட ஆதாரங்களில் இருந்து வந்த செய்தி அறிக்கைகளின்படி , 1990களில், காஷ்மீரில் தீவிரவாக குழு ஒன்று சிறுபான்மை இந்துக்களை குறிவைத்து தாக்குதல் நடத்தி இந்துக்கள் பள்ளத்தாக்கை விட்டு வெளியேறுமாறு எச்சரித்துள்ளன.

இருப்பினும், வைரலான இந்த கிளிப் ஒரு உண்மையான சம்பவத்துடன் தொடர்புடையது அல்ல, மாறாக காஷ்மீரை அடிப்படையாகக் கொண்ட ஒரு திரைப்படத்தின் காட்சியாகும்.

' proudbhartiya__ ' என்ற இன்ஸ்டாகிராம் பயனர் , "சில வருடங்களுக்குப் பிறகு, சகோதரத்துவம் பேணப்படும் பகுதிகளிலும் இதே நிலைதான் நிலவும், காத்திருங்கள், இலவச உருளைக்கிழங்கு, வெங்காயம், எண்ணெய் மற்றும் மின்சாரத்திற்காக அழுது கொண்டே இருங்கள்... அவர்கள் முழு நாட்டையும் கைப்பற்றத் துடிக்கிறார்கள், இந்துக்களே விழித்துக் கொள்ளுங்கள்... மதச்சார்பற்ற பூச்சிகளாக மாறாதீர்கள்... சகோதரத்துவத்தின் பெயரில் எத்தனை பேர் இறந்தார்கள் என்று தெரியவில்லை" என்ற தலைப்புடன் வைரலான வீடியோவைப் பகிர்ந்துள்ளார்.

உண்மை சரிபார்ப்பு:

வைரலான வீடியோ கிளிப்பில் ஹிட்டன் தேஜ்வானி மற்றும் மனோஜ் ஜோஷி போன்ற நடிகர்கள் காணப்படுகிறார்கள், இதன் மூலம் இது வைரலான கிளிப் ஒரு படத்திலிருந்து வந்தது என்பதை உறுதிப்படுத்துகிறது. இதன் அடிப்படையில், நாங்கள் மேலும் விசாரித்தபோது, imdb.com இல் வீடியோ கிளிப்பின் அசல் மூலத்தைக் கண்டறிந்தோம் . இது 'முட்டா 370 ஜே&கே' படத்தின் டிரெய்லரிலிருந்து எடுக்கப்பட்டது.

கொடுக்கப்பட்ட தகவலின்படி, 'முட்டா 370 ஜே&கே' காஷ்மீரில் நடந்த உண்மைச் சம்பவங்களை அடிப்படையாகக் கொண்டது என்று கூறப்படுகிறது, மேலும் நடத்தப்பட்ட விசாரணையில், வைரலாகும் வீடியோ கிளிப் இந்தப் படத்தின் காட்சிப் படம்தான், உண்மையான சம்பவம் அல்ல என்பது உறுதி செய்யப்பட்டுள்ளது. 1990 ஆம் ஆண்டின் இறுதியில், ஸ்ரீநகரில் உள்ள மசூதிகளில் இருந்து ஒலிபெருக்கிகள் மூலம் இந்துக்களை பள்ளத்தாக்கை விட்டு வெளியேறுமாறு அச்சுறுத்த பயன்படுத்தப்பட்டதாக கூறப்படுகிறது.

ஏப்ரல் 6, 2016 தேதியிட்ட பிபிசியின் 'காஷ்மீரி இந்துக்கள்: விரட்டியடிக்கப்பட்டனர்' என்ற அறிக்கையின்படி , "முஸ்லீம் பயங்கரவாதக் குழுக்கள் சிறுபான்மை இந்துக்களை குறிவைத்து பள்ளத்தாக்கை விட்டு வெளியேறுமாறு எச்சரித்துள்ளன." இந்த சம்பவங்கள் பல அறிக்கைகள் மற்றும் புத்தகங்களில் ஆவணப்படுத்தப்பட்டுள்ளன .

' சுதந்திர காஷ்மீர்: ஒரு முழுமையற்ற ஆசை' என்ற புத்தகத்தில் இந்த சம்பவத்தைக் குறிப்பிடுகையில் , எழுத்தாளர் ஸ்னெடன் கிறிஸ்டோபர் எழுதுகிறார், "வேறு சில முழக்கங்கள் இந்தியாவுக்கு ஆதரவான காஷ்மீரி பண்டிட்களுக்கு எதிராக தெளிவாக இருந்தன. ஜனவரி 1990 இறுதிக்குள், 'இந்துக்கள் காஷ்மீரை விட்டு வெளியேறுங்கள்' போன்ற முழக்கங்கள் ஸ்ரீநகரில்  எழ தொடங்கின."

இதேபோல், கேம்பிரிட்ஜ் பல்கலைக்கழக அச்சகம் வெளியிட்ட சி ஹித்ரலேகா ஜூட்ஷியின் 'காஷ்மீர்: வரலாறு, அரசியல், பிரதிநிதித்துவம்' என்ற புத்தகம் , "யாருக்காக காஷ்மீர்? முஸ்லிம்களுக்கு... மசூதிகளில் இருந்து இந்து எதிர்ப்பு கோஷங்கள் எழுப்பப்பட்ட பின்னர் பள்ளத்தாக்கிலிருந்து இந்து பண்டிட்கள் வெளியேற வழிவகுத்தது" என்று கூறுகிறது.

வைரலாகும் இந்த காணொளி குறித்து மூத்த திரைப்பட பத்திரிகையாளர் பராக் சாபேகரை நாங்கள் தொடர்பு கொண்டோம். இந்தக் காட்சிகள் காஷ்மீரில் நடந்த உண்மைச் சம்பவங்களை அடிப்படையாகக் கொண்ட 'முட்டா 370 ஜே&கே' திரைப்படத்திலிருந்து எடுக்கப்பட்டவை என்பதை அவர் உறுதிப்படுத்தினார்.]

முடிவு:

மதகுரு ஒருவர் இந்துக்கள் காஷ்மீரை விட்டு வெளியேறுமாறு எச்சரிக்கும் வீடியோ ஒன்று வைரலாகி வருகிறது. இதுகுறித்து ஆய்வு செய்தபோது 2019 ஆம் ஆண்டு காஷ்மீர் திரைப்படமான 'முட்டா 370 ஜே & கே'-யில் இருந்து எடுக்கப்பட்ட ஒரு காட்சிதான் எனவும் வைரலாகும் வீடியோ கிளிப் தவறானது எனவும் தெரியவந்துள்ளது.

Note : This story was originally published by ‘Vishvas News’ and Translated by ‘News7 Tamil’ as part of the Shakti Collective.