"வன்முறை எங்க மொழி இல்லை., ஆனா எங்களுக்கு அந்த மொழியும் பேசத் தெரியும்" - வெளியானது விடுதலை 2 #Trailer
சூரி, விஜய் சேதுபதி , மஞ்சு வாரியர் நடிப்பில் உருவாகியுள்ள விடுதலை பாகம் 2 திரைப்படத்தின் ட்ரெய்லர் வெளியாகியுள்ளது.
இயக்குநர் வெற்றிமாறன் இயக்கத்தில் கடந்த ஆண்டு வெளியான திரைப்படம் ‘விடுதலை’. இந்த படத்தில் நடிகர் சூரி கதாநாயகனாக நடிக்க அவருடன் இணைந்து விஜய் சேதுபதி முக்கிய கதாபாத்திரத்தில் நடித்திருந்தார். மேலும் இவர்களுடன் இணைந்து பவானி ஸ்ரீ,கவுதம் வாசுதேவ் மேனன், சேத்தன் ஆகியோர் முக்கிய கதாபாத்திரங்களில் நடித்திருந்தனர். இந்த திரைப்படத்திற்கு இசைஞானி இளையராஜா இசையமைத்திருந்தார். இந்த படம் ரசிகர்கள் மத்தியில் வசூல் ரீதியாகவும் விமர்சன ரீதியாகவும் நல்ல வரவேற்பை பெற்றது.
தொடர்ந்து, இயக்குநர் வெற்றிமாறன் விடுதலை படத்தின் இரண்டாம் பாகத்தை தற்போது உருவாக்கி வருகிறார். இதில் சூரி, விஜய் சேதுபதி ஆகியோருடன் இணைந்து மஞ்சு வாரியர், அட்டகத்தி தினேஷ் ஆகியோர் முக்கிய கதாபாத்திரங்களில் நடித்து வருகின்றனர். இந்த படத்தின் படப்பிடிப்பு கிட்டதட்ட இறுதிக்கட்டத்தை எட்டியுள்ளதாக சொல்லப்படுகிறது. மேலும், நடிகர் எஸ்.ஜே.சூர்யா விடுதலை – 2 பாகத்தில் சிறப்பு தோற்றத்தில் நடிக்க உள்ளதாகவும் தகவல் வெளியாகியுள்ளது.
இதையும் படியுங்கள் : HeavyRainAlert | இந்த மாவட்டங்களில் நாளை பள்ளி / கல்லூரிகளுக்கு விடுமுறை!
விஜய் சேதுபதி மற்றும் சூரி ஆகியோர் தங்களின் டப்பிங் பணிகளை நிறைவு செய்துள்ளனர். ‘விடுதலை 2’ திரைப்படம் உலகம் முழுவதும் டிசம்பர் 20ம் தேதி வெளியாக உள்ளது. இப்படத்தின் பர்ஸ்ட் சிங்கிளான ‘தினம் தினமும்’ என்ற பாடல் வெளியானது. இந்நிலையில், விடுதலை 2 படத்தின் இசை மற்றும் டிரெய்லர் இன்று வெளியாகும் என படக்குழு அறிவித்திருந்த நிலையில் ட்ரெய்லர் வெளியானது.