ஓடிடியில் வெளியானது விஜய்யின் ‘லியோ’ திரைப்படம்!

லோகேஷ் கனகராஜ் இயக்கத்தில் விஜய் நடித்த 'லியோ' திரைப்படம் ஓடிடி தளத்தில் வெளியானது. மேலும் ஆங்கிலத்திலும் வெளியாகவுள்ளதாக அறிவிக்கப்பட்டுள்ளது. 

தமிழ் சினிமாவின் முன்னணி நடிகரான விஜய் நடிப்பில் லோகேஷ் கனகராஜ் இயக்கிய படம் ‘லியோ’.  த்ரிஷா,  அர்ஜூன்,  சஞ்சய் தத்,  கௌதம் வாசுதேவ் மேனன் உள்ளிட்ட இந்திய சினிமாவின் நட்சத்திரங்கள் பலர் நடித்த இந்த படத்திற்கு அனிருத் இசையமைத்துள்ளார்.  பெரும் எதிர்பார்ப்புகளுக்கு மத்தியில் கடந்த அக்டோபர் 19-ம் தேதி ‘லியோ’ திரைப்படம் வெளியானது.

LEO HIVE RISE UP pic.twitter.com/Eb4vdIGYVd

— Netflix (@netflix) November 23, 2023

இதனையடுத்து இப்படத்தின் வெற்றி விழாவானது கடந்த நவ. 1-ம் தேதி சென்னையில் உள்ள நேரு உள்விளையாட்டு அரங்கில் மிகப்பிரமாண்டமாக நடத்தப்பட்டது. ரசிகர்களின் பெரும் வரவேற்பை பெற்ற ‘லியோ’ திரைப்படம்,  உலகளவில் ரூ. 600 கோடி வசூலை ஈட்டியுள்ளதாக கூறப்படுகிறது.  இப்படம் நவ.24ம் தேதி நெட்பிளிக்ஸ் ஓடிடி தளத்தில் வெளியாக உள்ளதாக அந்நிறுவனம் அதிகாரப்பூர்வமாக அறிவிக்கப்பட்டது.

Annan v̶a̶r̶a̶a̶r̶u̶ vandhutaaru vali vidu 🔥
Time to find out if he's an Ordinary Person or a Freakin' Badass! 💥#Leo is now streaming in India in Tamil, Telugu, Malayalam, Kannada and Hindi. Coming soon in English.#LeoOnNetflix pic.twitter.com/GSS3w108xX

— Netflix India South (@Netflix_INSouth) November 24, 2023

இந்நிலையில் இன்று நெட்ஃப்ளிக்ஸ் ஓடிடி தளத்தில் லியோ திரைப்படம் தமிழ், தெலுங்கு, மலையாளம், கன்னடம் மற்றும் ஹிந்தி மொழிகளில் வெளியாகியுள்ளது. மேலும் இப்படம் ஆங்கில மொழியிலும் விரைவில் நெட்ஃப்ளிக்ஸ் தளத்தில் வெளியிடப்படும் எனவும் அறிவிக்கப்பட்டுள்ளது. இப்படம் ஓடிடி தளத்திலும் சாதனை படைக்கும் என விஜய் ரசிகர்கள் கொண்டாடிவருகின்றனர்.