விஜய் ஆண்டனியின் ‘ஹிட்லர்’ திரைப்படம்: டீசர் வெளியீடு!

விஜய் ஆண்டனி நடிப்பில் உருவாகியுள்ள “ஹிட்லர்” திரைப்படத்தின் டீசர் வெளியாகி வரவேற்பை பெற்றுள்ளது.

இசையமைப்பாளராக தன்னுடைய சினிமா வாழ்க்கையை துவங்கியவர் விஜய் ஆண்டனி. இவர் தொடர்ந்து நடிகர், தயாரிப்பாளர், பாடகர், இயக்குநர் என பன்முகம் காட்டி வருகிறார். சமீபத்தில் இவரது இயக்கத்தில் பிச்சைக்காரன் 2 படம் வெளியாகி சிறப்பாக அமைந்தது.  தற்போது அவர் மீண்டும் தன்னுடைய புதிய படப்பிடிப்பில் கவனம் செலுத்தத் துவங்கியுள்ளார்.

இந்நிலையில், சஞ்சய் குமார் தயாரிப்பில், தனா இயக்கத்தில், விஜய் ஆண்டனி நடிப்பில் உருவாகியுள்ள திரில்லர் திரைப்படமாக “ஹிட்லர்” உருவாகிவருகிறது. முற்றிலும் மாறுபட்ட வகையில், வித்தியாசமாக விஜய் ஆண்டனியின் தோற்றம் அமைக்கப்பட்டுள்ளது. விஜய் ஆண்டனி தன் முந்தைய படங்களிலிருந்து விலகி முற்றிலும் மாறுபட்ட கதாபாத்திரத்தில் நடித்துள்ளார். ரியா சுமன் நாயகியாக நடித்துள்ளார்.