வங்கதேசத்தில் காளை அடித்துக் கொல்லப்பட்டதாக வீடியோ வைரல் - உண்மை என்ன?

This news Fact Checked by ‘India Today’

வங்கதேசம் இஸ்கான் பண்ணை ஒன்றில் பசு மாடு அடித்துக் கொல்லப்பட்டது போன்ற வடிவில் சமூக வலைதளங்களில் வைரலானது.

வங்கதேசத்தில் இந்து துறவி சின்மயி கிருஷ்ணதாஸ் கைது செய்யப்பட்ட விவகாரம் தொடர்பாக சர்ச்சை எழுந்து வரும் நிலையில், நான்கு பேர் சேர்ந்து காளையை அடிக்கும் வீடியோ சமூக வலைதளங்களில் பரவி வருகிறது. வங்கதேசத்தில் உள்ள இஸ்கான் பண்ணையில் இருந்து எடுக்கப்பட்ட காட்சிகள் போல இந்த வீடியோ பரவி வருகிறது. இந்த வீடியோவைப் பகிர்ந்த பயனர் "இஸ்கான் ஃபார்ம் பங்களாதேஷ் 😢" என்ற தலைப்பில் பகிர்ந்துள்ளார். பகிரப்பட்ட பேஸ்புக் பதிவின் லிங்க் கீழே உள்ளது .

இந்த வீடியோ குறித்து இந்தியா டுடே நடத்திய விசாரணையில், புழக்கத்தில் உள்ள வீடியோ வங்கதேசத்தை சார்ந்தது அல்ல என்றும் பஞ்சாப் மாநிலம் ஜலந்தரில் உள்ள ஒரு பண்ணையில் இருந்து படம்பிடிக்கப்பட்ட காட்சி எனவும் உறுதிப்படுத்தியுள்ளது.

உண்மை சரிபார்ப்பு :

வைரலான வீடியோவின் கீஃப்ரேம்களை ரிவர்ஸ் இமேஜ் தேடலின் உதவியுடன் சரிபார்த்தபோது, ​​19 நவம்பர் 2024 அன்று ' பத்திரிகையாளர் பைசல் ' என்பவரின் X கணக்கினால் இதே போன்ற வீடியோ பகிரப்பட்டது கண்டறியப்பட்டது . சம்பவம் எங்கு நடந்தது என்று பதிவில் குறிப்பிடவில்லை. ஆனால் இந்த இடுகைக்கு கீழே 'PETA India' அதிகாரப்பூர்வ கணக்கு கருத்து தெரிவித்துள்ளது . இது தொடர்பாக சதர் காவல் நிலையத்தில் ஏற்கனவே எஃப்ஐஆர் பதிவு செய்யப்பட்டுள்ளது என்று கருத்து கூறுகிறது. இது தொடர்பான X இடுகை மற்றும் கருத்தின் ஸ்கிரீன்ஷாட் கீழே உள்ளது.

பின்னர், முக்கிய வார்த்தை தேடலின் மூலம், நவம்பர் 20, 2024 அன்று தி ட்ரிப்யூன் வெளியிட்ட செய்தி அறிக்கையில் "ஜலந்தரில் பசுவை கசையடி கொடுத்து கொன்ற வீடியோ வைரல்" என்ற தலைப்பில் வெளியானது. இந்த அறிக்கையின்படி, விலங்கு பாதுகாப்பு அறக்கட்டளை என்ற அமைப்பின் தலைவரான ஸ்ரீஷ்ட் பக்ஷி, வைரல் வீடியோவில் காணப்பட்ட சம்பவத்திற்கு எதிராக புகார் அளித்து எதிர்ப்பு தெரிவித்தார். இந்த செய்தியை இங்கே படிக்கலாம் .

பின்னர் விலங்குகள் பாதுகாப்பு அறக்கட்டளை என்ற அமைப்பைப் பற்றி விசாரித்தோம். அந்த அமைப்பின் முகநூல் பக்கத்தில் இருந்து பார்த்தால், இது பஞ்சாப் மாநிலம் ஜலந்தரைச் சேர்ந்த விலங்குகள் நல அமைப்பு என்பது தெளிவாகிறது. நவம்பர் 13, 2024 அன்று இந்தப் பக்கத்தில் பகிரப்பட்ட வைரல் வீடியோ மற்றொரு முகநூல் பதிவில், இந்த சம்பவம் தொடர்பாக அந்த அமைப்பை சேர்ந்தவர்கள் டிஎஸ்பியை சந்தித்ததாக கூறப்பட்டிருந்தது. இந்த சம்பவம் குறித்து டிஎஸ்பி பேசும் வீடியோவும் இந்தப் பக்கத்தில் உள்ளது. போலீசில் அளிக்கப்பட்ட புகாரின் நகல் மற்றும் பதிவு செய்யப்பட்ட எஃப்.ஐ.ஆர்.யும் பக்கத்தில் பதிவிடப்பட்டுள்ளது.

விலங்கு பாதுகாப்பு அறக்கட்டளையின் நிறுவனர் ஸ்ரீஷ் பக்ஷி தொலைபேசியில் தொடர்பு கொண்டோம். “பஞ்சாப் மாநிலம் ஜலந்தரில் உள்ள ஜம்ஷர் பால் பண்ணை என்ற பண்ணையில் நடந்த சம்பவத்தின் வீடியோ இது. காளையை 4 பேர் அடித்து கொன்றனர். விசாரணையின் ஒரு பகுதியாக அந்த இடத்தை பார்வையிட்டேன். எங்கள் புகாரின் அடிப்படையில் போலீசார் எஃப்.ஐ.ஆர் பதிவு செய்து விசாரணையை தொடங்கியுள்ளனர்" என்று யுவி சிங் இந்தியா டுடேவிடம் தெரிவித்தார்.

பின்னர், பஞ்சாபி மொழியில் முக்கிய வார்த்தைகளைப் பயன்படுத்தி தேடுதல் மூலம், நவம்பர் 27, 2024 அன்று வெளியிடப்பட்ட அறிக்கை கப்ரிஸ்தான் பஞ்சாபி என்ற இணையதளத்தில் கிடைத்தது. வைரலான வீடியோவின் ஸ்கிரீன்ஷாட் உள்ளிட்ட அறிக்கையில், இரும்பு கம்பியால் காளை ஒன்று கொல்லப்பட்டதாகவும், ஜம்ஷர் பால் பண்ணை என்ற பண்ணையில் இந்த சம்பவம் நடந்ததாகவும் கூறப்பட்டுள்ளது. அந்த வீடியோவில் காணப்பட்ட இளைஞரை காவல் துறையினர் காவலில் எடுத்து விடுவித்ததாகவும், பால் பண்ணையின் உரிமையாளர் மீது போலீஸார் எந்த நடவடிக்கையும் எடுக்கவில்லை என்றும் அந்தச் செய்தி கூறுகிறது. ஆங்கில மொழிபெயர்ப்புடன் கப்ரிஸ்தான் பஞ்சாபி அறிக்கையின் ஸ்கிரீன்ஷாட் கீழே உள்ளது .

முடிவு :

வங்கதேசம் இஸ்கான் பண்ணை ஒன்றில் பசு மாடு அடித்துக் கொல்லப்பட்டது போன்ற வடிவில் பரவி வரும் காணொளி பஞ்சாபில் உள்ள ஜலந்தரை சேர்ந்தது என்பது கிடைத்துள்ள தகவல்களில் இருந்து தெளிவாகிறது.

Note : This story was originally published by ‘India Today’ and translated by ‘News7 Tamil’ as part of the Shakti Collective.