ஜம்மு காஷ்மீரின் NH14 திட்டம் என பரவும் வீடியோ - Fact Checkல் சீனாவின் மேம்பாலம் என கண்டுபிடிப்பு!

This news Fact Checked by ‘India Today’

கட்டப்பட்டு வரும் நெடுஞ்சாலையின் காணொலி என வீடியோ ஒன்று சமூக ஊடகங்களில் பரவலாக பகிரப்பட்டு வருகிறது. இது ஒரு மலைப்பகுதியில் பெரிய பாலங்களுடன் கட்டப்பட்ட சாலையைக் காட்டுகிறது. ஜம்மு காஷ்மீரில் தேசிய நெடுஞ்சாலை 14 திட்டம் செயல்படுத்தப்படுவதாக அதைப் பகிர்ந்தவர் பதிவில் தெரிவித்துள்ளார். இந்த வீடியோ கிளிப் அடங்கிய பேஸ்புக் பதிவில் , “ஸ்ரீநகர், ஜம்மு மற்றும் லடாக்கை இணைக்கும் பெரிய திட்டம் விரைவில் முடிக்கப்படும். மத்திய அரசின் ஆட்சியின் கீழ் வளர்ச்சியை எவ்வளவு மதிப்பிடுகிறீர்கள்? ” என இடம்பெற்றிருந்தது. இந்த வீடியோவின் பதிவினை இங்கே காணலாம் .

இதுகுறித்து ஆய்வு செய்த இந்தியா டுடே வைரலான வீடியோ உண்மையில் சீனாவில் G6911 Ankang-Laifeng விரைவுச்சாலையின் கட்டுமானத்தைக் காட்டுகிறது என்பதை உறுதிப்படுத்தியுள்ளது.

உண்மை சரிபார்ப்பு :

வைரல் கிளிப்பில் இருந்து ரிவர்ஸ் தேடல் மூலம் கீஃப்ரேம்களை தேடியபோது அவை ஆகஸ்ட் 22 அன்று பேஸ்புக் பக்கத்தில் "மைக் சைனா வ்லாக்" இல் பகிரப்பட்ட இதேபோன்ற வீடியோவுக்கு எங்களை அழைத்துச் சென்றது . இந்த வீடியோவின் தலைப்பில் “G6911 Anlai விரைவுச்சாலை ஷாங்சியில் உள்ள ஹாங்காங்கையும் ஹூபேயில் உள்ள லைஃபெங்கையும் இணைக்கிறது, சோங்கிங் உட்பட நிலப்பரப்புகளைக் கடந்து செல்கிறது. கலாச்சார பொக்கிஷங்களை இணைக்கும் இயற்கை எழில் கொஞ்சும் பாதை!” என பதிவிடப்பட்டிருந்தது.

"சிவில் இன்ஜினியர்ஸ் வேர்ல்ட்" என்ற லிங்க்ட்இன் கணக்கால் பகிரப்பட்ட இதேபோன்ற சாலை கட்டுமானத்தின் மற்றொரு தெளிவான வீடியோவை அடுத்தடுத்த முக்கிய தேடலில் வெளிப்படுத்தியது. சீனாவின் சோங்கிங்கில் உள்ள ஃபெங்ஜி கவுண்டியில் இந்த நெடுஞ்சாலை கட்டுமானம் நடைபெற்று வருவதாக அந்த பதிவில் கூறப்பட்டுள்ளது.

இதேபோன்ற வீடியோ "லிவிங் சைனா" இன்ஸ்டாகிராம் பக்கத்தில் ரீலாகவும் பகிரப்பட்டுள்ளது.

இதேபோல ஜூன் 12, 2024 அன்று ஃபெங்ஜி கவுண்டியில் உள்ள அன்லாய் விரைவுச்சாலையின் கட்டுமானத்தின் மற்றொரு வீடியோ  யூடியூப் பக்கத்தில் “சன் ஆஃப் சைனா” இல் பகிரப்பட்டது . வைரல் வீடியோவில் காணப்பட்ட பாரிய தூண்களும் தொலைவில் ஆற்றின் குறுக்கே உள்ள வளைவுப் பாலமும் தெளிவாகத் தெரியும். இந்த வீடியோவை கீழே காணலாம்

மற்றொரு பாலத்தையும் யூடியூப் வீடியோவில் காணலாம். இந்த ஃபெங்ஜி கவுண்டியில் உள்ள மீக்ஸி ஆற்றின் குறுக்கே உள்ள பாலங்கள் என்பது தெரியவந்தது. கூகுள் மேப்ஸ் இந்த இரண்டு பாலங்களின் புகைப்படங்களையும், அருகில் நடக்கும் சில கட்டுமானப் பணிகளையும் காட்டுகிறது.

Anlai Expressway G6911 என அழைக்கப்படும் Ankang -Laifeng விரைவுச்சாலை , Hanbin மாவட்டத்தில் உள்ள Shitian Expressway இன் ஹுவாங்யாங்கே இன்டர்சேஞ்சில் தொடங்கி Ankang City, Shaanxi மாகாணம், மற்றும் Hubei மாகாணத்தின் Enshi ப்ரிபெக்சர், Laifeng கவுண்டியில் உள்ள Laifeng இன்டர்சேஞ்சில் இவை முடிவடைகிறது. இது 446.26 கிலோமீட்டர் நீளம் கொண்டது பாலமாகும்.

இதேபோல பதிவில் குறிப்பிட்டுள்ளதைப் போல NH14 ஜம்மு காஷ்மீரில் இல்லை அவை மேற்கு வங்காளத்தின் முர்ஷிதாபாத் மாவட்டத்தில் உள்ள மோர்கிராமில் உள்ள NH-12 சந்திப்பில் இந்த நெடுஞ்சாலை தொடங்கி ராம்பூர்ஹாட், சியூரி, ராணிகஞ்ச், பாங்குரா, கர்பேட்டா மற்றும் சல்பானி ஆகிய இடங்களை இணைக்கிறது .

இதேபோல ஜம்மு மற்றும் காஷ்மீரில் இன்னும் கட்டுமானத்தில் உள்ள NH44 என சீனாவில் இருந்து ஒரு பாலத்தின் மற்றொரு வீடியோ முன்பு பகிரப்பட்டது. அதைப் பற்றிய எங்கள் உண்மைச் சரிபார்ப்பை நீங்கள் இங்கே படிக்கலாம் .

முடிவு:

ஜம்மு காஷ்மீரில் தேசிய நெடுஞ்சாலை 14 திட்டம் என்கிற பெயரில் சீனாவில் இருந்து ஒரு வீடியோவை பகிர்ந்து அவற்றை இந்திய உள்கட்டமைப்பு திட்டமாக தவறாக பகிரப்பட்டுள்ளது என்பது தெளிவாகிறது.

Note : This story was originally published by ‘India Today’ and translated by ‘News7 Tamil’ as part of the Shakti Collective.