நடிகை அபிராமி கதாபாத்திரத்தை வெளியிட்டது #Vettaiyan படக்குழு!
‘வேட்டையன்’ திரைப்படத்தில் நடிகை அபிராமி கதாபாத்திரத்தை படக்குழு அறிமுகம் செய்துள்ளது.
ஜெய்பீம் புகழ் ஞானவேல் இயக்கத்தில் ரஜினிகாந்த் நடிப்பில் உருவாகியுள்ள திரைப்படம் ‘வேட்டையன்’. இதில் ரஜினிகாந்த் உடன் அமிதாப் பச்சன், பகத் ஃபாசில், ராணா டகுபதி, ரித்திகா சிங், துஷாரா விஜயன் மற்றும் பலர் நடித்துள்ளனர். இப்படத்தை லைகா நிறுவனம் தயாரித்துள்ளது. படம் அக்டோபர் 10ம் தேதி திரையரங்குகளில் வெளியாகிறது. இந்த திரைப்படத்திற்கு அனிருத் இசையமைத்துள்ளார்.
திரைப்படத்தின் இசை வெளியீட்டு நிகழ்ச்சி கடந்த 20ம் தேதி சென்னை நேரு உள்விளையாட்டு அரங்கில் நடைபெற்றது. இந்த திரைப்படத்தின் மனசிலாயோ பாடல் அண்மையில் வெளியாகி தற்போது வரை இணையத்தில் டிரெண்டிங்கில் உள்ளது. இப்படத்தில் இடம்பெற்றுள்ள ‘ஹண்டர் வன்ட்டார்’ என்ற பாடல் கடந்த 20ம் தேதி வெளியாகி கவனம் பெற்றது.
இதையும் படியுங்கள் : ”#SenthilBalaji-க்கு ஜாமின்: PMLA ஒரு கொடுங்கோன்மை சட்டம் | நியூஸ் 7 தமிழ் நேரலையில் மூத்த பத்திரிகையாளர் தராசு ஷ்யாம் கருத்து!
முன்னதாக ‘வேட்டையன்’ திரைப்படத்தின் கதாப்பாத்திரங்களை கடந்த 16ம் தேதி முதல் அறிமுகம் செய்யவுள்ளதாக படக்குழு அறிவித்தது.அதன்படி, ரித்திகா சிங், துஷாரா விஜயன், ராணா டகுபதி, ஃபகத் ஃபாசில், அமிதாப் பச்சன் ஆகியோரில் கதாபாத்திரத்தை படக்குழு அறிமுகம் செய்துள்ளது. அந்த வகையில், தற்போது 'வேட்டையன்’ திரைப்படத்தில் ஸ்வேதா என்ற கதாபாத்திரத்தில் நடிகை அபிராமி நடிக்கிறார் என படக்குழு அறிவித்துள்ளது.
