#Vettaiyan | பாடல் வெளியீடு குறித்த அப்டேட் வெளியிட்டார் அனிருத்!

வேட்டையன் திரைப்படத்தின் பாடல் வெளியீடு குறித்த தகவலை அப்படத்தின் இசையமைப்பாளர் அனிருத் அறிவித்துள்ளார்.

‘ஜெய் பீம்’ திரைப்படத்திற்குப் பிறகு டி.ஜே.ஞானவேல் இயக்கி வரும் திரைப்படம் ‘வேட்டையன்’. இந்த திரைப்படத்தின் மீது ஆரம்பத்திலிருந்தே எதிர்பார்ப்பு அதிகமாக இருந்து வருகிறது. இதில் நடிகர் ரஜினிகாந்த் கதாநாயகனாக நடித்துள்ளார். இந்த திரைப்படத்தை லைகா நிறுவனம் தயாரிக்க அனிருத் இதற்கு இசையமைக்கிறார். இதில் ரஜினியுடன் அமிதாப் பச்சன், ஃபகத் ஃபாசில், ராணா தகுபதி, துஷாரா விஜயன் மற்றும் பலர் நடிக்கின்றனர்.

இந்நிலையில் வேட்டையன் படத்தின் பாடல்கள் குறித்த அப்டேட்டை இசையமைப்பாளர் அனிருத் வெளியிட்டுள்ளார். இதுகுறித்து அவர் வெளியிட்டுள்ள எக்ஸ் பதிவில், “வேட்டையன் திரைப்படத்தின் ‘ஹண்டர் வண்டார்’ பாடல் விரைவில் வெளியாகவுள்ளது” என குறிப்பிட்டுள்ளார். சமீபத்தில் நடிகர் ரஜினி நடிப்பில் வெளியான ‘ஜெயிலர்’ திரைப்படம் ரசிகர்கள் மத்தியில் நல்ல வரவேற்பை பெற்றது. அந்த படத்திலும் அனிருத் இசையமைத்துள்ளார் என்பது குறிப்பிடத்தக்கது.