“இன்னைக்கு கண்டிப்பா வந்துரும்” - #TheGOAT படத்தின் ட்ரெய்லர் குறித்த அப்டேட் சொன்ன வெங்கட் பிரபு!

நடிகர் விஜய் நடித்துள்ள GOAT திரைப்படத்தின் முக்கிய அறிவிப்பு இன்று வெளியாகும் என இயக்குநர் வெங்கட் பிரபு தெரிவித்துள்ளார்.

லியோ படத்தைத் தொடர்ந்து விஜய்யின் 68-வது படமான ‘கிரேட்டஸ்ட்  ஆஃப் ஆல் டைம்ஸ் படத்தை (GOAT – Greatest Of All Times) வெங்கட் பிரபு இயக்கி இயக்கியுள்ளார். இதில் நடிகர்கள் ஜெயராம், பிரபு தேவா, மோகன், பிரஷாந்த், வைபவ், சினேகா, லைலா, மீனாட்சி சௌத்ரி உள்ளிட்ட பலர் நடித்துள்ளனர்.

படத்துக்கு யுவன் சங்கர் ராஜா இசையமைத்துள்ளார். இப்படம் வரும் செப்டம்பர் 5-ம் தேதி விநாயகர் சதுர்த்தியன்று வெளியாக உள்ளது. இதனால் விஜய் ரசிகர்கள் பெரும் எதிர்பார்ப்போடு உள்ளனர். மேலும் இது விஜய் அரசியலுக்கு வந்தபிறகு வெளியாகும் முதல் படமாகும்.

ஏற்கனவே இப்படத்திலிருந்து மூன்று பாடல்கள் வெளியான நிலையில் இப்படத்தின் டிரையிலருக்காக ரசிகர்கள் ஆவலாக காத்துகொண்டு இருக்கின்றனர். இப்படத்தின் ட்ரெயிலர் வெளியாகும் தேதி குறித்த அறிவிப்பு நேற்று மாலை 6 மணிக்கு வெளியாகும் என அர்ச்சனா கல்பாத்தி பதிவிட்டிருந்தார். ஆனால் அதுபோன்ற எந்த அறிவிப்பும் வெளியாகவில்லை. எனவே விஜய் ரசிகர்கள் விரக்தியில் பல்வேறு கருத்துகளை பதிவிட்டு வந்தனர்.

இந்நிலையில் அப்டேட் இன்னைக்கு வந்துவிடும் என இயக்குநர் வெங்கட் பிரபு தனது எக்ஸ் பக்கத்தில் பதிவிட்டுள்ளார். இந்த அறிவிப்பு விஜய் ரசிகர்களால் தற்போது கொண்டாடப்பட்டு வருகிறது. மேலும் இந்த பதிவு இணையத்தில் வைரலாகி வருகிறது.