’வணங்கான்’ - மேக்கிங் வீடியோ வெளியிட்டு சர்பிரைஸ் கொடுத்த படக்குழு!

பாலா இயக்கத்தில் உருவாகியுள்ள வணங்கான் திரைப்படத்தின் மேக்கிங் வீடியோ வெளியிட்டுள்ளது.

பாலா இயக்கத்தில் அருண் விஜய், ரோஷிணி பிரகாஷ், மற்றும் சமுத்திரக்கனி, மிஷ்கின் உள்ளிட்ட பலர் நடித்துள்ளானர். இப்படத்தினை, சுரேஷ் காமாட்சி தயாரித்துள்ளார். இசையமைப்பாளராக ஜி.வி.பிரகாஷும், பல பிரபலங்கள் பணிபுரிந்திருக்கின்றனர்.

கடந்த சில தினங்களாக வணங்கான் படம் பொங்கலுக்கு வெளியாகாது என தகவல் பரவியது. அதை தொடர்ந்து, பொங்கலுக்கு விடாமுயற்சி, கேம் சேஞ்சர் உள்ளிட்ட படங்கள் வெளியாவதால், இதற்கு திரையரங்குகள் கிடைக்காது எனக் கூறப்பட்டது. தற்போது, இதற்கு முற்றுப்புள்ளி வைக்கும் விதமாக ஜனவரி 10-ம் தேதி வணங்கான் வெளியாகும் என படக்குழு அதிகாரபூர்வமாக அறிவித்துள்ளது.

இந்த நிலையில் விடாமுயற்சி திரைப்படம் பொங்கலுக்கு வெளியாகவில்லை என படக்குழு அதிகாரப்பூர்வமாக அறிவித்துள்ளதால் அஜித் ரசிகர்கள் ஏமாற்றம் அடைந்துள்ளனர்.

படத்தின் போஸ்ட் புரடக்‌ஷன் பணிகள் நிறைவு பெற்று வெளியீட்டு பணிகள் நடைபெற்று வரும் நிலையில் வணங்கான் படத்தின் மேக்கிங் வீடியோவை படக்குழு வெளியிட்டுள்ளது.