அமெரிக்கா: மளிகைக் கடையில் துப்பாக்கிச் சூடு - 2 பேர் உயிரிழப்பு; 8 பேர் காயம்!

அமெரிக்க மளிகைக் கடையில் நடந்த துப்பாக்கிச் சூட்டில்,  ரண்டு பேர் கொல்லப்பட்டனர்.

அமெரிக்காவில் உள்ள மளிகைக் கடையில் நடந்த துப்பாக்கிச் சூட்டில் இரண்டு பேர் கொல்லப்பட்டனர். மேலும் 8 பேர் காயமடைந்தனர் என்று ஆர்கன்சாஸ் மாநில காவல்துறை தெரிவித்துள்ளது.

தெற்கு ஆர்கன்சாஸில் ஃபோர்டைஸ் என்பது லிட்டில் ராக்கிற்கு தெற்கே 65 மைல் (104 கிலோமீட்டர்) தொலைவில் அமைந்துள்ள சுமார் 3,200 மக்கள் வசிக்கும் நகரம் ஆகும். அங்கு மளிகைக் கடையில் துப்பாக்கிச் சூடு நடந்ததாகவும், துப்பாக்கிச் சூடு நடத்தியதாக சந்தேகிக்கப்படும் நபர் காவல்துறையினரால் சுடப்பட்டதில் பலத்த காயமடைந்ததாகவும் ஆர்கன்சாஸ் மாநில காவல்துறை தெரிவித்துள்ளது. சுடப்பட்டவர்களில் ஒரு சட்ட அமலாக்க அதிகாரியும் இருந்தார். ஆனால் அவருக்கு உயிருக்கு ஆபத்தான காயங்கள் ஏற்படவில்லை.

துப்பாக்கிச் சூடு குறித்து தனக்குத் தெரிவிக்கப்பட்டதாக ஆர்கன்சாஸ் கவர்னர் சாரா ஹக்கபி சாண்டர்ஸ் கூறினார். "பாதிக்கப்பட்டவர்களின் உயிரைக் காப்பாற்றுவதற்கான விரைவான பணிகளை அதிகாரிகள் செய்துள்ளனர். இதனால் பாதிக்கப்பட்டவர்கள் மற்றும் பாதிக்கப்பட்ட அனைவருக்கும் எனது பிரார்த்தனைகள் என்று சாண்டர்ஸ் சமூக ஊடக தளமான X இல் பதிவிட்டார்.