"GOAT" என கமெண்ட் செய்த யூடியூப் - 40மில்லியன் Subscribersஐ நெருங்கும் #UrChristiano சேனல்!
யூடியூப் சேனல் தொடங்கி மூன்று நாட்களிலேயே 40 மில்லியன் சப்கிரைபர்ஸை கிரிஸ்டினோ ரோனால்டோவின் சேனல் நெருங்கி வருகிறது.
போர்ச்சுகல் நாட்டைச் சேர்ந்த கால்பந்து ஜாம்பவான் கிறிஸ்டியானோ ரொனால்டோ உலகளவில் கவனம் பெற்ற விளையாட்டு வீரர்களில் ஒருவர். கால்பந்து உலகில் பல சாதனைகளைப் படைத்துள்ள ரொனால்டோ, அதற்கு வெளியேயும் பல சாதனைகளைப் படைத்துள்ளார். அதிகமாக சம்பாதிக்கும் கால்பந்துவீரர்களில் ஒருவரான ரொனால்டோ, தற்போது இன்ஸ்டாகிராமில் அதிக பாலோயர்களைக் கொண்ட பிரபலமாகியுள்ளார்.
இன்ஸ்டாகிராமில் அதிக பாலோயர்கள் கொண்ட விளையாட்டு வீரர் என்ற சாதனையை அவரிடம்தான் உள்ளது. தன்னுடைய கால்பந்து வாழ்க்கையின் கடைசிகாலத்தில் இருக்கிறார் ரொனால்டோ. இந்நிலையில் இப்போது அவர் யூடியூப் சேனல் ஒன்றைத் தொடங்கியுள்ளார். அதன் மூலம் அவர் ரசிகர்களுடன் தொடர்பில் இருக்கவுள்ளார்.
இதையும் படியுங்கள் : ஒரே நாளில் வெளியான வாழை, கொட்டுக்காளி – #FirstDayCollection எவ்வளவு தெரியுமா?
UR christiano என்ற பெயரில் சேனல் தொடங்கிய அவர் அடுத்தடுத்து சில வீடியோக்களை பதிவேற்றினார். இந்நிலையில் அவர் சேனல் ஆரம்பித்த 90 நிமிடங்களில் அவரை ஒரு மில்லியன் பேர் சப்ஸ்க்ரைப் செய்துள்ளனர். அதன் மூலம் சேனல் ஆரம்பித்த ஒன்றரை மணிநேரத்தில் யூடியூபின் கோல்டன் பட்டனை அவர் பெற்றுள்ளார்.
இந்த நிலையில் யூடியூப் சேனல் தொடங்கி 24 மணி நேரத்தில் 19.7 மில்லியன் சப்கிரைபர்ஸை பெற்றதற்காக, யூடியூப் நிறுவனமே “GOAT” எனக் குறிப்பிட்டு கிறிஸ்டியானோ ரொனால்டோக்கு வாழ்த்து தெரிவித்துள்ளது. கிரிஸ்டியனோ ரோனால்டோவின் புதிய யூடியூப் சேனலில் தற்போது வரை 38.9 மில்லியன் சப்கிரைபர்ஸை கடந்துள்ளது குறிப்பிடத்தக்கது.