“ஒற்றுமை ரொம்ப முக்கியம்” - #BiggBoss வீட்டில் சிவகார்த்திகேயன்?

அமரன் பட புரமோஷனுக்காக நடிகர் சிவகார்த்திகேயன் பிக்பாஸ் வீட்டிற்குள் சென்றதாக தகவல் வெளியாகியுள்ளது.

பிக்பாஸ் சீசன் 8 கடந்த 6ஆம் தேதி தொடங்கியது. கமல்ஹாசன் தொகுத்து வழங்கிய தொடரை விஜய் சேதுபதி எவ்வாறு வழங்குவார் என ரசிகர்களிடையே பல கேள்விகள் எழுந்தன. ஆனால் அவற்றிற்கு பதிலடி கொடுக்கும் விதமாக அனைத்து ரசிகர்களையும் கவர்ந்துள்ளார் விஜய் சேதுபதி. மேலும் கடந்த சீசன்களை போல் அல்லாமல் இம்முறை வேறுவிதமாக போட்டி சென்றுக் கொண்டிருக்கிறது.

18 போட்டியாளர்கள் உள்ளே சென்ற நிலையில், ரவீந்தர், அர்னவ் என இரண்டு பேர் அடுத்தடுத்து வெளியேறினர். இந்த வார நாமினேஷன் லிஸ்டில் ஜாக்குலின், அன்ஷிதா, பவித்ரா ஜனனி, சௌந்தர்யா, தர்ஷா குப்தா, சத்யா, முத்துக்குமரன், அருண் உள்ளிட்ட 8 பேர் உள்ளனர். இதில் தர்ஷா குப்தா அல்லது அன்ஷிதா பின்தங்கிவுள்ளதாகவும், இவர்களில் ஒருவர் வெளியேற வாய்ப்புள்ளதாகக் கூறப்படுகிறது.

இந்த நிலையில், நடிகர் சிவகார்த்திகேயன் அமரன் படத்தின் புரோமோஷனுக்காக பிக் பாஸ் வீட்டிற்கு சென்றுள்ளார். அதற்கான ப்ரோமோ தற்போது வெளியாகியுள்ளது. பின்னர், அமரன் படத்தின் டிரெய்லர் போட்டியாளர்களுக்கு காண்பிக்கப்பட்டது. அமரன் வெற்றிப் பெற வேண்டும் என அனைவரும் வாழ்த்துத் தெரிவித்தனர். அவர்களிடம் சிறிதுநேரம் கலகலப்பாக பேசிய சிவகார்த்திகேயன், ஒற்றுமை மிக முக்கியம் என கூறிவிட்டு பிக் பாஸ் வீட்டிலிருந்து புறப்பட்டுச் சென்றார்.

அமரன், சாய்பல்லவி நடிப்பில் உருவாகியுள்ள அமரன் திரைப்படம் வரும் 31ஆம் தேதியன்று தீபாவளிக்கு திரையரங்குகளில் வெளியாக உள்ளது.