#ProKabaddiLeague | தபாங் டெல்லி அணியை வீழ்த்தி யு மும்பா வெற்றி!

புரோ கபடி லீக் போட்டியின் நேற்றைய ஆட்டத்தில் யு மும்பா, வெற்றி பெற்று பாயிண்ட்ஸ் டேபிளில் 5வது இடத்தில் உள்ளது.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இந்த தொடரில் நேற்று நடைபெற்ற 2வது லீக் ஆட்டத்தில் யு மும்பா - தபாங் டெல்லி அணிகள் மோதின. ஆட்டம் தொடங்கியது முதலே இரு அணிகளும் மாறி மாறி புள்ளிகள் எடுத்தன. இதனால் தொடக்கம் முதலே ஆட்டம் பரபரப்பாக நடைபெற்றது. இறுதியில் இந்த ஆட்டத்தில் 32-26 என்ற புள்ளிக்கணக்கில் டெல்லியை வீழ்த்தி யு மும்பா தனது 3வது வெற்றியை பதிவு செய்தது.

இதையும் படியுங்கள் : USElection | வாக்கு எண்ணும் பணி தொடக்கம் – வெற்றி வாகை சூடப்போவது யார்?

இதுவரை யு மும்பா அணி 6 போட்டிகளில் விளையாடி உள்ள நிலையில், மூன்றில் வெற்றி பெற்று பாயிண்ட்ஸ் டேபிளில் 5வது இடத்தில் உள்ளது. அதேபோல், தபாங் டெல்லி அணி 7 போட்டிகளில் விளையாடி உள்ள நிலையில் இரண்டில் மட்டுமே வெற்றி பெற்று பாயிண்ட்ஸ் டேபிளில் 10வது இடத்தில் உள்ளது குறிப்பிடதக்கது.