“தேர்தலில் வாக்களிக்காதவர்களுக்கு கேள்வி கேட்கும் உரிமை இல்லை” - பெங்களூருவில் நியூஸ் 7 தமிழுக்கு பிரகாஷ் ராஜ் பேட்டி!

ஓட்டு போடுவது மிக முக்கியம், ஓட்டு போடவில்லை என்றால் தவறை தட்டிக் கேட்கும் உரிமை உங்களுக்கு இல்லாமல் போய்விடும் என நடிகர் பிரகாஷ் ராஜ் நியூஸ்7 தமிழுக்கு பிரத்யேகமாக பேட்டியளித்துள்ளார்.

மக்களவை தேர்தல் தொடங்கி மும்முரமாக நடைபெற்று வருகிறது. 543 தொகுதிகளுக்கு மொத்தம் 7 கட்டங்களாக வாக்குப்பதிவு நடத்த திட்டமிடப்பட்டது. முதற்கட்டமாக கடந்த 19-ம் தேதி தமிழகம் உள்ளிட்ட 21 மாநிலங்கள் மற்றும் யூனியன் பிரதேசங்களைச் சேர்ந்த, 102 தொகுதிகளில் வாக்குப்பதிவு நடைபெற்றது. தமிழ்நாட்டை பொறுத்தவரையில் 70 சதவிகிதத்திற்கும் குறைவான வாக்குகளே பதிவாகின.

இந்நிலையில், பெங்களூரு மத்திய தொகுதியில் உள்ள வாக்குச்சாவடியில் நடிகர் பிரகாஷ் ராஜ் தனது வாக்கினை பதிவு செய்தார். பின்னர் நியூஸ் 7 தமிழ் செய்தியாளரிடம் கூறியதாவது: 

“வாக்களிப்பது முக்கியமான விஷயம். இந்த தேர்தலில் தேர்ந்தெடுக்க போகிறவர்கள் தான் உங்களுடைய எதிர்காலத்தை முடிவு செய்பவர்கள். நாடாளுமன்றத்தில் சட்டம் இயற்றபவர்கள். உங்களுடைய குரலை எழுப்பவர்கள். ஓட்டு போடுவது மிக முக்கியம். ஓட்டு போடவில்லை என்றால் தகுதி கேட்கும் உரிமை உங்களுக்கு இல்லாமல் போய்விடும்.

“வாக்களியுங்கள்... உங்கள் தலைவரை நீங்கள் தேர்ந்தெடுங்கள்...”https://t.co/WciCN2SiwX | #PrakashRaj | #Bengaluru | #Karnataka | #LokSabhaElections2024 | #ElectionsWithNews7Tamil | #Elections2024 | #Election2024 | #ParliamentElection2024 | #News7Tamil | #News7TamilUpdates pic.twitter.com/Po3iKltvot

— News7 Tamil (@news7tamil) April 26, 2024

இளம் வாக்காளர்களுக்கு இது நல்ல அனுபவமாக இருக்கும். இந்த மகிழ்ச்சி உங்களுக்கு கிடைக்கும். உங்கள் தலைவரை நீங்கள் தேர்ந்தெடுங்கள். உங்கள் பிரதிநிதியை நீங்கள் தேர்ந்தெடுங்கள். அனைவரும் வாக்களியுங்கள். வாக்களிக்க மக்களிடம் ஆர்வம் உள்ளது” இவ்வாறு தெரிவித்தார்.