"இது தான் என்னோட ஆசை"... ஐபிஎல் தொடரில் இருந்து விலகிய பதிரானா பதிவு!
காயம் காரணமாக ஐபிஎல் தொடரில் இருந்தது விலகிய பதிரானா, பதிவு ஒன்றை இன்ஸ்டகிராமில் பதிவிட்டுள்ளார்.
17-வது ஐபிஎல் தொடரில் நடப்பு சாம்பியன் சென்னை சூப்பர் கிங்ஸ் அணி 11 போட்டிகளில் விளையாடி 6 வெற்றியும், 5 தோல்விகளையும் பதிவு செய்துள்ளது. சிஎஸ்கே அணிக்காக இலங்கையை சேர்ந்த இளம் வீரர் மதிஷா பதிரானா விளையாடி வந்தார். இந்த சீசனில் 6 போட்டிகளில் விளையாடிய அவர் 13 விக்கெட்டுகளை வீழ்த்தினார்.
இந்த நிலையில் காயம் காரணமாக நடப்பு ஐபிஎல் தொடரில் இருந்து அவர் விலகியுள்ளார். சிகிச்சை பெறுவதற்காக அவர் இலங்கை சென்றுள்ளார். இந்த நிலையில், இன்ஸ்டகிராமில் பதிவிட்டுள்ள பதிரானா கூறியதாவது,
“விரைவில் சிஎஸ்கே-வின் அறையில் ஐபிஎல் 2024 சாம்பியன் கோப்பையை காண வேண்டும் என்ற எனது ஒரே ஆசையுடன் விடைபெறுகிறேன்! ஆசீர்வாதங்களையும், அன்பையும் பொழிந்த சிஎஸ்கே அணிக்கு நன்றி” என தெரிவித்துள்ளார்.
