#HeavyRain | பள்ளி, கல்லூரிகளுக்கு இன்று விடுமுறை - மாவட்ட ஆட்சியர் அறிவிப்பு!

திருவாரூர் மாவட்டத்தில் கனமழை பெய்து வருவதால் அங்கு பள்ளி, கல்லூரிகளுக்கு இன்று விடுமுறை அளிக்கப்பட்டுள்ளது.

தமிழ்நாட்டில் வடகிழக்கு பருவமழை தொடங்கிய நிலையில் வங்க கடல் பகுதியில் மேல் அடுக்கு சுழற்சி காரணமாக சென்னை,காஞ்சிபுரம், செங்கல்பட்டு, நாகப்பட்டினம், திருவாரூர் உள்ளிட்ட மாவட்டங்களில் மிதமான மழை முதல் கனமழை பெய்து வருகிறது.

இன்று தென் தமிழ்நாட்டில் பல இடங்களிலும், வடதமிழகத்தில் ஒருசில இடங்களிலும், புதுச்சேரி மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும் என வானிலை மையம் எச்சரிக்கை விடுத்திருந்தது. மேலும் இன்று முதல் 7 நாட்களுக்கு தமிழ்நாட்டில் கனமழை தொடரும் என்றும் வானிலை ஆய்வு மையம் எச்சரிக்கை விடுத்திருந்தது.

இதையும் படியுங்கள் : சித்தார்த் நடிக்கும் ‘மிஸ் யூ’ படத்தின் ரிலீஸ் தேதி அறிவிப்பு!

இந்த நிலையில் இன்று கனமழை காரணமாக திருவாரூர் மாவட்டத்தில் உள்ள பள்ளி கல்லூரிகளுக்கு விடுமுறை அளிக்கப்படுவதாக மாவட்ட ஆட்சி தலைவர் சாருஸ்ரீ தெரிவித்துள்ளார். மேலும் சிவகங்கை மாவட்டத்தில் கனமழை தொடர்வதால், பள்ளி விடுமுறையை சூழ்நிலைக்கு ஏற்றவாறு அந்தந்த தலைமையாசிரியர் முடிவெடுத்துக் கொள்ளலாம் என மாவட்ட நிர்வாகம் உத்தரவிட்டுள்ளது.