திருச்செந்தூர் முருகன் கோயில் குடமுழுக்கு - கட்டுப்பாடுகள் என்னென்ன?

திருச்செந்தூர் சுப்பிரமணிய சுவாமி கோயிலில் மகா கும்பாபிஷேக விழா நாளை நடைபெற உள்ளது. இதற்கான முன்னேற்பாடுகள் தீவிரமாக நடைபெற்று வருகிறது. இந்த நிலையில் திருச்செந்தூர் முருகன் கோவில் குடமுழுக்கு நன்னீராட்டு பெருவிழா ஏற்பாடுகள் குறித்த விவரம் வெளியாகியுள்ளது. அதன்படி,

* 6ம் தேதியான இன்று பகல் 12 மணி வரை மட்டுமே பக்தர்கள் தரிசனத்திற்கு அனுமதி.
* 7ம் தேதி குடமுழுக்கு நிறைவுக்குப் பின் பக்தர்கள் அனுமதிப்பது தொடர்பாக முடிவு எடுக்கப்படும்.
* ஏழாம் தேதி முதல் ஆகஸ்ட் 5ஆம் தேதி வரை 48 நாட்கள் மண்டல பூஜை நடைபெறும்.
* குடமுழுக்கு காண வரும் பக்தர்களுக்காக நெல்லை, தூத்துக்குடி, கன்னியாகுமரி மார்க்கமாக மூன்று இடங்களில் தற்காலிக பேருந்து நிலையங்கள் அமைப்பு.
* பாதுகாப்பு பணியில் 6000 காவலர்கள் ஈடுபட்டுள்ளனர்.
* 25 மருத்துவக் குழுக்களும், 27 இடங்களில் தீயணைப்பு வாகனங்கள் தயார் நிலையில் வைக்கப்பட்டுள்ளது.
* குடமுழுக்கு விழா பணிகளுக்காக மூன்று ஐஏஎஸ் அதிகாரிகள் கூடுதல் பொறுப்பு.
* ஏழாம் தேதி தூத்துக்குடி மாவட்டத்திற்கு மட்டும் உள்ளூர் விடுமுறை அறிவிப்பு. இவ்வாறு அதில் தெரிவிக்கப்பட்டுள்ளது.