“மன்னிப்பு இல்லாமலே மண்மீதிலே ஏதுமில்லை” - வெளியானது கங்குவா படத்தின் #Mannippu பாடல்!

கங்குவா படத்தின் ‘மன்னிப்பு’ பாடலின் லிரிக்கல் வீடியோ வெளியாகி உள்ளது.

சிறுத்தை சிவா - சூர்யா கூட்டணியில் உருவாகியுள்ள படம் கங்குவா. ஸ்டூடியோ கிரீன் மற்றும் யுவி கிரியேஷன்ஸ் இணைந்து தயாரித்துள்ள இப்படத்தில் பாலிவுட் நடிகை திஷா பதானி கதாநாயகியாக நடித்துள்ளார். வில்லனாக பாலிவுட் நடிகர் பாபி தியோல் நடித்துள்ளார். இவர்களைத் தவிர்த்து யோகி பாபு, ரெடின் கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர்.

தேவி ஸ்ரீ பிரசாத் இசையமைத்து வரும் இப்படத்தின் க்ளிம்ஸ், டீசர், ட்ரைலர் மற்றும் பாடல்கள் அனைத்தும் வெளியாகி வரவேற்பை பெற்றுள்ளது. இப்படம் வருகிற 14ஆம் தேதி 38 மொழிகளில் பிரம்மாண்டமாக வெளியாகவுள்ளது. இதனால் படக்குழு தற்போது புரொமோஷனில் ஈடுபட்டு வருகிறது. இப்படத்தின் 3டி ட்ரைலர் வெளியீட்டு விழா இன்று சென்னையில் நடைபெற்றது. இந்நிலையில் இப்படத்தின் மன்னிப்பு பாடலின் லிரிக்கல் வீடியோ வெளியாகி கவனத்தை ஈர்த்து வருகிறது.