நாக சைதன்யா நடிப்பில் உருவாகியுள்ள ' #Thandel ' - ரிலீஸ் தேதி அறிவிப்பு!
நடிகர் நாக சைதன்யா நடிப்பில் உருவாகியுள்ள தண்டேல் திரைப்படத்தின் ரிலீஸ் தேதி அறிவிக்கப்பட்டுள்ளது.
தெலுங்கு சினிமாவில் முக்கிய நடிகர்களில் ஒருவரான நாக சைதன்யா தற்போது பல திரைப்படங்களில் நடித்து வருகிறார். நாக சைதன்யா மற்றும் சாய் பல்லவி இருவரும் இணைந்து தற்போது 'தண்டேல்' திரைப்படத்தில் நடித்து முடித்துள்ளனர். இந்த திரைப்படம் நாக சைதன்யாவின் 23வது திரைப்படமாகும். 'கார்த்திகேயா 2' திரைப்படத்தின் மூலம் பிரபலமான சந்து மொண்டேட்டி இப்படத்தை இயக்குகிறார். கீதா ஆர்ட்ஸ் சார்பில் பன்னி வாஸ் தயாரிக்கும் இப்படத்திற்கு தேவி ஸ்ரீ பிரசாத் இசையமைத்துள்ளார்.
சேகர் மாஸ்டர் நடன இயக்குநராக பணிபுரியும் நிலையில், இந்த திரைப்படம் சிறப்பு பாடலுக்கான படப்பிடிப்பு 1,000 நடனக் கலைஞர்களுடன் மிக பிரமாண்டமாக நடத்தது குறிப்பிடத்தக்கது. ஸ்ரீகாகுளத்தில் உள்ள மீனவர்களின் உண்மைச் சம்பவங்களை அடிப்படையாகக் கொண்டு இப்படம் உருவாகி உள்ளது.
இதையும் படியுங்கள் : Thiruchendur | கந்த சஷ்டி விழா – 18 ஆண்டுகளுக்கு பிறகு வைர வேலுடன் காட்சியளித்த ஜெயந்திநாதர்!
இந்நிலையில், தற்போது இந்த திரைப்படத்தின் ரிலீஸ் தேதி குறித்து தகவல் வெளியாகி உள்ளது. தண்டேல் திரைப்படம் அடுத்த ஆண்டு பிப்ரவரி 7ம் தேதி தமிழ், தெலுங்கு மற்றும் இந்தி உள்ளிட்ட மொழிகளில் வெளியாகும் என படக்குழு போஸ்டர் வெளியிட்டு அறிவித்துள்ளது. தற்போது அந்த போஸ்டர் இணையத்தில் வைரலாகி வருகிறது.
