“2032 அமெரிக்க அதிபர் தேர்தலில் ‘AI வேட்பாளர்’ வெல்ல வாய்ப்பு...” - எலான் மஸ்க் கருத்து!

இதற்கு முன்னதாகவும் தேர்தல்களில் ஏஐ நுட்பங்களின் தலையீடு குறித்து, ”ஏஐ நுட்பங்கள் மேலும் ஸ்மார்ட்டாக இருப்பின், அவற்றால் ஜனநாயகத்துக்கு ஆபத்து நேரிடவும் கூடும். ஏஐ என்பதன் அடுத்தக்கட்டமான ஏஜிஐ(ஆர்டிஃபிஷியல் ஜெனரல் இண்டலிஜென்ஸ்) அடுத்து வரும் 2 ஆண்டுகளில் மனிதர்களை விட நுட்பமாகவும், ஸ்மார்ட்டாகவும் செயல்படத் தொடங்கிவிடும்” என்றும் அவர் கணித்திருந்தார். அதற்கான பாதையில் தற்போது அவரது நிறுவனங்கள், சாட்ஜிபிடிக்கு போட்டியான ’எக்ஸ்ஏஎஐ க்ராக் 2’ என்பதை பரிசோதித்து வருகின்றன.

பல்வேறு நாடுகளிலும் தேர்தல் முன்னேற்பாடுகள் சூடுபிடித்து வரும் சூழலில், அவற்றில் ஏஐ நுட்பம் வாயிலாக வேண்டாத சக்திகள் குழப்பம் உருவாக்கவும் கூடும் என முன்னதாக எலான் மஸ்க் அறிவித்திருந்தார். இந்த ஏஐ தலையீட்டுக்கு அப்பால், ’தேர்தலில் நேரடி வேட்பாளராகவும் களமிறங்கும் என்றும், போட்டியிட்டு வெல்லவும் வாய்ப்புண்டு’ எனவும் எலான் மஸ்க் தெரிவித்திருப்பது பரபரப்பை ஏற்படுத்தி உள்ளது.