இன்று மாலை வெளியாகிறது ஜன நாயகன் படத்தின் முக்கிய அப்டேட்
தமிழ் சினிமாவில் முன்னணி நடிகர்களின் ஒருவராக ஜொலித்து கொண்டிருப்பவர் தான் விஜய். இவர் நடிப்பில் கடைசியாக வெளியான கோட் திரைப்படம் ரசிகர்கள் மத்தியில் நல்ல வரவேற்பை பெற்றது.
இப்படம் கிட்டத்தட்ட ரூ.450 கோடிக்கு மேல் வசூல் செய்ததாக கூறப்படுகிறது. இதனை தொடர்ந்து தற்போது அவர் வினோத் இயக்கத்தில் உருவாகி வரும் ‘தளபதி 69’ படத்தில் நடித்து வருகிறார். இப்படத்திற்கு ‘ஜன நாயகன்’ என பெயரிடப்பட்டுள்ளது.
இந்த படத்தில் விஜயுடன் சேர்ந்து, பூஜா ஹெக்டே, பிரகாஷ் ராஜ், பாபி தியோல், கௌதம் வாசுதேவ் மேனன், நரேன், பிரியாமணி, மமிதா பைஜு மற்றும் CWC மோனிஷா ப்ளெஸி ஆகியோர் நடித்து வருகின்றனர். இந்த படம் விஜய்யின் கடைசி திரைப்படம் என்பதால் ரசிகர்கள் மத்தியில் பெரும் எதிர்பார்ப்பு இருந்து வருகிறது. அடுத்தாண்டு பொங்கலை முன்னிட்டு ஜனவரி 9 ஆம் தேதி இப்படம் வெளியாகவுள்ளது.
சமீபத்தில் இப்படத்தின் ஃபர்ஸ்ட் மற்றும் செகண்ட் லுக் போஸ்டர்கள் வெளியாகி கவனம் பெற்றது. மேலும் தளபதி கச்சேரி என்ற பாடலும் வெளியாகி நல்ல வரவேற்பை பெற்றது.
இந்த நிலையில், ஜன நாயகன் படத்தின் தயாரிப்பு நிறுவனம் எக்ஸ் தளத்தில் பதிவு ஒன்றை வெளியிட்டுள்ளது. அதில் இன்று (நவ. 21) மாலை 5.30 மணிக்கு ஜனநாயகன் படத்தின் முக்கிய அறிவிப்பு ஒன்று வெளியாகும் என்று தெரிவித்துள்ளது. மேலும் அதில் இடம்பெற்றுள்ள வீடியோவில் மலேஷியாவின் ட்வின் டவர்ஸ் இடம்பெற்றுள்ளது. முன்னதக ஜன நாயகன் படத்தின் இசை வெளியீட்டு விழா மலேஷியாவில் நடைபெற உள்ளதாக செய்திகள் வெளியாகியிருந்தது. இது ஜன நாயகன் படத்தின் இசை வெளியீட்டு விழா அறிவிப்பாக இருக்கும் என்று எதிர்பார்க்கப்படுகிறது.
Selamat datang 😁
Watch this space at 5:30 PM today ✌🏻#Thalapathy @actorvijay sir @KvnProductions #HVinoth @hegdepooja @anirudhofficial @thedeol @_mamithabaiju @Jagadishbliss @LohithNK01 @RamVJ2412 @TSeries #JanaNayagan#JanaNayaganPongal #JanaNayaganFromJan9 pic.twitter.com/j8SyLZY8xi
— KVN Productions (@KvnProductions) November 21, 2025
