தனுஷின் ‘இட்லி கடை’ படத்தின் முதல் பார்வை போஸ்டர் அப்டேட்!

தனுஷ் இயக்கி நடிக்கும் ‘இட்லி கடை’ திரைப்படத்தின் முதல் பார்வை போஸ்டர் குறித்த அப்டேட் வெளியாகியுள்ளது.

நடிகர் தனுஷ் இயக்கத்தில் உருவாகி இருக்கும் 'நிலவுக்கு என் மேல் என்னடி கோபம்' திரைப்படம் அடுத்தாண்டு பிப்ரவரி 7-ம் தேதி வெளியாக உள்ளது. இதை அடுத்து இவர் இயக்கத்தில் 4 வது படமாக 'இட்லி கடை' என்கிற திரைப்படம் உருவாகி வருகிறது. இது தனுஷின் 52வது திரைப்படமாகும். தனுஷே இயக்கி நடிக்கும் இத்திரைப்படத்திற்கு ஜி.வி.பிரகாஷ் இசையமைக்கிறார். இந்த படத்தினை டான் பிக்சர்ஸ் நிறுவனம் தயாரிக்கிறது. அருண்விஜய் வில்லனாக நடிக்கும் இத்திரைப்படத்தில் ராஜ்கிரண் ஆகியோர் முக்கியப் பாத்திரத்தில் நடிக்கின்றனர்.

'திருச்சிற்றம்பலம்' படத்தின் நாயகியான நித்யாமேனன் மீண்டும் இப்படத்தில் இணைந்துள்ளார். இந்த படத்தின் படப்பிடிப்பு ஏற்கனவே தொடங்கப்பட்டு தேனி, பொள்ளாச்சி போன்ற பகுதிகளில் விறுவிறுப்பாக நடைபெற்றுள்ளதாக தகவல் வெளியானது.

படம் அடுத்தாண்டு ஏப்.10ஆம் தேதி உலகமெங்கும் வெளியாகுமென அறிவிக்கப்பட்டுள்ளது. இந்தப் படத்தினை ரெட் ஜெயண்ட் மூவிஸ் வெளியிடுகிறது. படத்தின் முதல் பார்வை போஸ்டர் நாளை மாலை 5 மணிக்கு வெளியாகுமென படக்குழு தெரிவித்துள்ளது