"போர் படைப்போர் யாரோ… இந்த போரில் வெல்வோர் யாரோ…" - #Kanguva படத்தின் தலைவனே பாடல் வெளியானது!

சூர்யா நடிப்பில் உருவாகியுள்ள கங்குவா படத்தில் இடம்பெற்றுள்ள 'தலைவனே' எனும் பாடல் வெளியாகி உள்ளது.

சிறுத்தை சிவா இயக்கத்தில் சூர்யா நடிப்பில் உருவாகியுள்ள திரைப்படம் ‘கங்குவா’. இப்படத்தை ஸ்டூடியோ கிரீன் மற்றும் யுவி கிரியேஷன்ஸ் இணைந்து தயாரித்துள்ளது. இப்படத்தில் திஷா பதானி, பாபி தியோல், யோகி பாபு, கிங்ஸ்லி, கோவை சரளா, ஆனந்த் ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர். இந்த படத்திற்கு தேவி ஸ்ரீபிரசாத் இசையமைத்துள்ளார். இப்படம் 38 மொழிகளில் 3டி முறையில் உலகம் முழுவதும் வெளியாகவுள்ளது.

இத்திரைப்படத்தின் டிரெய்லர் சில மாதங்களுக்கு முன் வெளியாகி மக்களிடையே நல்ல வரவேற்பை பெற்றது. இத்திரைப்படம் வரும் நவ. 14-ம் தேதி வெளியாகவுள்ளது. இப்படத்தின் இசை வெளியீட்டு விழா சமீபத்தில் சென்னையில் நடைபெற்றது. இத்திரைப்படம் வட இந்தியாவில் 3500 மேற்பட்ட திரையரங்குகளில் வெளியாகவுள்ளது.

இந்த திரைப்படத்தின் இரண்டு பாடல்கள் சமீபத்தில் வெளியாகி கவனம் பெற்றன. படத்தின் ரிலீஸ் தேதி நெருங்கியுள்ள நிலையில், ப்ரோமோஷன் பணிகளில் படக்குழு தீவிரமாக இறங்கியுள்ளன. இந்த நிலையில், இந்த படத்தில் இடம்பெற்றுள்ள 'தலைவனே' எனும் பாடல் வெளியாகி வரவேற்பை பெற்றுள்ளது.