“தங்கலானே…” இணையத்தில் ட்ரெண்டாகும் தங்கலான் ‘போர்’ பாடல்!

விக்ரம் நடிப்பில் உருவாகும் தங்கலான் திரைப்படத்தின் புதிய பாடல் வெளியாகியுள்ளது. இந்த பாடல் இணையத்தில் வைரலாகி வருகிறது.

பா.ரஞ்சித் இயக்கத்தில் சீயான் விக்ரம் கதாநாயகனாக நடித்துள்ள திரைப்படம் ‘தங்கலான்’. இத்திரைப்படத்தில் மாளவிகா மோகனன், பார்வதி, பசுபதி, ஹரி கிருஷ்ணன் மற்றும் டேனியல் உள்ளிட்ட பலர் நடித்துள்ளனர். இந்த திரைப்படம் 1900 களில் கோலார் கோல்ட் ஃபீல்ட்டில் {கே.ஜி.எஃப்} தங்கத்துக்காக ஒடுக்கப்பட்ட சமுதாயம் எப்படி அழிக்கப்பட்டது என்பதை பற்றி பேசும் திரைப்படமாக அமைந்துள்ளது.

இந்த திரைப்படத்தை ஸ்டூடியோ கிரீன் மற்றும் நீலம் ப்ரொடக்ஷன்ஸ் நிறுவனம் இணைந்து தயாரித்துள்ளன. இந்த திரைப்படத்திற்கு ஜி.வி.பிரகாஷ் இசையமைத்துள்ளார். பா.ரஞ்சித்துடன் இணைந்து ஜி.வி.பிரகாஷ் பணியாற்றுவது இதுவே முதல் முறை. இப்படம் ஆகஸ்ட் 15-ம் தேதி வெளியாகும் என படக்குழு அறிவித்துள்ளது.

முன்னதாக, இப்படத்தின் டிரைலர் மற்றும் ’மினுக்கி.. மினுக்கி’ பாடல் வெளியாகி கவனம் பெற்றிருந்தது. இந்நிலையில், ‘தங்கலானே..’ என்கிற பாடலைப் படக்குழுவினர் வெளியிட்டுள்ளனர். ஜி.வி.பிரகாஷ் இசையமைத்துள்ள இப்பாடலை பாடகர் அறிவு எழுத ஜி.வி.பிரகாஷும் அறிவும் இனைந்து பாடியுள்ளனர்.