#2KLoveStory படத்தின் டீசர் ரிலீஸ் எப்போது? வெளியான அப்டேட்!
இயக்குநர் சுசீந்திரன் இயக்கத்தில் உருவாகியுள்ள '2K லவ் ஸ்டோரி' படத்தின் டீசர் நாளை வெளியாகும் என படக்குழு அறிவித்துள்ளது.
சிட்டி லைட் பிக்சர்ஸ், தயாரிப்பில், இயக்குநர் சுசீந்திரன் இயக்கத்தில், நவ நாகரீக இளைஞர்களின் வாழ்வைச் சொல்லும் படைப்பாக உருவாகும் திரைப்படம் '2K லவ் ஸ்டோரி'. 2K தலைமுறையின் காதல், நட்பு, என அவர்களது வாழ்வை பிரதிபலிக்கும் திரைப்படமாக இப்படம் உருவாகியுள்ளது என படக்குழு தெரிவித்துள்ளது. வெட்டிங் போட்டோஃகிராஃபி எடுக்கும் ஒரு குழு இளைஞர்களின் வாழ்வில் நடக்கும் சம்பவங்களை அடிப்படையாகக் கொண்டு இப்படம் உருவாகிறது.
அறிமுக நடிகர்கள், ஜெகவீர், மீனாட்சி கோவிந்தராஜான் முதன்மை கதாபாத்திரங்களில் நடித்துள்ளனர். இவர்களுடன் பால சரவணன், ஆண்டனி பாக்யராஜ், ஜெயபிரகாஷ், வினோதினி, சிங்கமுத்து, ஜிபி முத்து உள்ளிட்ட பலர் நடித்துள்ளனர். இந்த திரைப்படத்துக்கு இசையமைப்பாளர் டி.இமான் இசையமைக்கிறார்.
இதையும் படியுங்கள் : கேரளாவில் 5 நாட்களுக்கு கனமழை நீடிக்கும் – #IMD எச்சரிக்கை!
அண்மையில் தொடங்கிய இப்படத்தின் படப்பிடிப்பு, கோயம்புத்தூர் மற்றும் சென்னையில் ஒரே கட்டமாக நடத்தி முடிக்கப்பட்டுள்ளது. திட்டமிட்ட காலகட்டத்திற்கு முன்பாகவே 38 நாட்களில் படப்பிடிப்பு நிறைவடைந்துள்ளதாக படக்குழு தெரிவித்துள்ளது. இந்நிலையில், '2K லவ் ஸ்டோரி' திரைப்படத்தின் டீசர் நாளை (நவ.7) வெளியாகும் என படக்குழு அதிகாரப்பூர்வமாக அறிவித்துள்ளது. இதையடுத்து, இந்த திரைப்படம் வருகின்ற டிசம்பர் 13ம் தேதி திரையரங்குகளில் வெளியாக உள்ளதாகவும் படக்குழு அறிவித்துள்ளது.
