நடிகர் சங்க பொதுக்குழு கூட்டம் - மறைந்த நடிகர்களுக்கு அஞ்சலி!

நடிகர் சங்கத்தின் 69வது பொதுக்குழு கூட்டம் இன்று சென்னையில் நடைபெற்றது. இப்பொதுக்குழுவில் விஷால், நாசர், கார்த்தி உள்ளிட்ட முக்கிய நிர்வாகிகள் கலந்து கொண்ட இப்பொதுக் குழுவில் மறைந்த நடிகர்களான ராஜேஷ், டெல்லி கணேஷ், ரோபோ சங்கர் உள்ளிட்ட 70 நட்சத்திரங்களுக்கு அஞ்சலி செலுத்தப்பட்டது. மேலும் தேசிய விருது பெற உள்ள ஊர்வசி, எம்.எஸ்.பாஸ்கர், ஜிவி பிரகாஷ் ஆகியோர் கவுரவிக்கப்பட்டனர்.

தொடர்ந்து இப்பொதுக்குழு கூட்டத்தில் திரைத்துறைக்கு நன்மை செய்து வரும் முதல்-அமைச்சர் மு.க.ஸ்டாலின், துணை முதல்-அமைச்சர் உதயநிதிக்கும், நடிகர் சங்க உறுப்பினர்களின் குழந்தைகளுக்கு கல்வி உதவி தொகை வழங்கிய நடிகர் ரஜினிக்கும் பொதுக்குழுவில் நன்றி தெரிவிக்கப்பட்டது. மேலும், நடிகர் சங்க உறுப்பினர்கள் குறித்து அவதூறு பரப்பினால் கடும் நடவடிக்கை எடுக்கப்படும் உள்ளிட்ட தீமானங்கள் நிறைவேற்றப்பட்டுள்ளன.