Homeமுக்கியச் செய்திகள்தேர்தல் 2024இந்தியாதமிழ்நாடுஉலகம்விளையாட்டுசினிமாகுற்றம்கட்டுரைகள்பக்தி
Advertisement

SRHvsRR | இமாலய இலக்கை சேஸிங் செய்த ராஜஸ்தான் அணி போராடி தோல்வி!

ஹைதராபாத் அணியின் இமாலய இலக்கை சேஸிங் செய்த ராஜஸ்தான் அணி போராடி தோல்வியடைந்தது.
07:42 PM Mar 23, 2025 IST | Web Editor
Advertisement

18வது ஐபிஎல் கிரிக்கெட் தொடர் நேற்று(மார்ச்.22) கொல்கத்தா ஈடன் கார்டன் மைதானத்தில் கோலாகலமாக கலை நிகழ்ச்சிகளுடன் தொடங்கிய நிலையில், இன்று(மார்ச். 23) ஹைதராபாத் மற்றும் ராஜஸ்தான் அணிகளுக்கு இடையேயான போட்டி ஹைதராபாத் ராஜீவ் காந்தி சர்வதேச மைதானத்தில் நடைபெற்றது.

Advertisement

இதில் டாஸ் வென்ற ராஜஸ்தான் அணி பந்து வீச்சை தேர்வு செய்தது. ஹைதராபாத் அணியின் தொடக்க வீரர்களாக டிராவிஸ் ஹெட், அபிஷேக் சர்மா களமிறங்கினர். பவர் பிளேவில் அதிரடியாக இருவரும் விளையாடி வந்த நிலையில், அபிஷேக் சர்மா 24 ரன்களில் ஆட்டமிழந்தார். அடுத்ததாக களமிறங்கிய நிதிஸ் குமார் ரெட்டி 30 ரன்களில் வெளியேறினார்.  இதற்கிடையில் அதிரடியாக விளையாடிய ஹெட் அரைசதம் கடந்து 67 ரன்களில் ஆட்டமிழந்தார்.

 

இதையடுத்து களத்திற்கு வந்த இஷான் கிஷான் சதமடித்தார். கிளாசன் 34 ரன்கள் அடித்து விக்கெட்டை பறிகொடுத்தார். 20 ஓவர் முடிவில்  6 விக்கெட் இழந்த ஹைதராபாத் அணி 286 ரன்களை குவித்தது. ஹைதராபாத் அணி சார்பில் களமிறங்கிய முதல்  ஆறு பேரும் 200க்கு மேல் ஸ்டிரைக் ரேட்டில் விளையாடி  ராஜஸ்தான் அணிக்கு  287 என்ற இமாலய இலக்கை நிர்ணயித்தனர். ராஜஸ்தான் அணியில் துஷார் தேஷ்பாண்டே அதிகபட்சமாக 3 விக்கெட்டுகளை எடுத்தார்.

இரண்டாவது இன்னிங்ஸை தொடங்கிய ராஜஸ்தான் அணியின் தொடக்க ஆட்டகாரர்களாக சஞ்சு சாம்சன் ஆகியோர் இதில் களமிறங்கினர்.

யஷஸ்வி ஜெய்ஸ்வால் 1 ரன்னில் அவுட்டாக, பொறுப்பாக விளையாடிய கேப்டன் சஞ்சு 66 ரன்கள் எடுத்து ஆட்டமிழந்தார். இதனிடையே ரியான் பராக், நிதிஷ் ராணா  ஆகியோர் சொற்ப ரன்களில் ஆட்டமிழந்தனர்.

அதன் பின்பு  களமிறங்கிய துருவ் ஜூரல் அதிரடியாக  தனி ஆளாக போராடினார். இருப்பினும் அவர் 70 ரன்களில் முகமது ஷமியிடம் தனது விக்கெட்டை இழந்தார். அதன் பிறகு இணைந்த ஹெட்மியர் 42 ரன்களும் சுபம் துபே 34* ரன்கள் அடித்தனர். 20 ஓவர் முடிவில் ராஜஸ்தான் அணி 266 ரன்களுடன் 6 விக்கெட்டுகளை இழந்து ஹைதராபாத் அணியிடம் போராடி தோல்வியடைந்தது.

 

Tags :
IPLIshanKishanNews7Tamilnews7TamilUpdatesrajasthanroyalsSRHvsRRSunrisersHyderabad
Advertisement
Next Article