சிவகார்த்திகேயனின் “அயலான்” பட டிரெய்லர் வெளியானது!
சிவகார்த்திகேயன் நடிப்பில் உருவாகியுள்ள ‘அயலான்’ திரைப்படத்தின் ட்ரைலர் வெளியாகி இணையத்தில் வைரலாகி வருகிறது.
‘இன்று நேற்று நாளை’ புகழ் இயக்குநர் ரவிக்குமாரின் 2-வது திரைப்படம் அயலான். நடிகர் சிவகார்த்திகேயன், ரகுல் ப்ரீத்சிங் நடிப்பில் உருவாகியுள்ள இத்திரைப்படத்திற்கு ஏ.ஆர்.ரஹ்மான் இசையமைத்துள்ளார். பான் இந்தியா படமாக வெளிவரவுள்ள இப்படத்தை 24 ஏ.எம். ஸ்டுடியோஸ் மற்றும் கே.ஜே.ஆர் ஸ்டுடியோஸ் நிறுவனம் இணைந்து தயாரித்துள்ளன.
அதிகளவிலான கிராபிக்ஸ் காட்சிகளும், 4,500-க்கும் மேற்பட்ட விஎஃப்எக்ஸ் காட்சிகளும் கொண்டு ஒரு முழு ஆக்ஷன் படமாக இத்திரைப்படம் உருவாகியுள்ளது. படம் ஜனவரி 12-ம் தேதி வெளியாகும் என படக்குழு சமீபத்தில் அதிகாரபூர்வமாக அறிவித்தது. இதனிடையே படத்தின் ட்ரெய்லர் குறித்த அப்டேட் வெளியிடப்பட்டது. அந்த அறிவிப்பில் ஜன.5-ம் தேதி அயலான் ட்ரைலர் வெளியிடுவதாக படக்குழு அறிவித்தது.
We have travelled through space and time to make it to your screen 👽
Watch grandeur unfold in the #AyalaanTrailer and get a glimpse of the adventures of our space buddy 🛸
Watch Trailer
▶ Tamil - https://t.co/5pgidJdcpi
▶ Telugu - https://t.co/sawCPRP5EV… pic.twitter.com/Yw86Qnlg6N— KJR Studios (@kjr_studios) January 5, 2024
அதன்படி, இன்று 08.06 மணிக்கு ட்ரைலரை படக்குழு வெளியிட்டது. இந்த அறிவிப்பை நடிகர் சிவகார்த்திகேயன் தனது ட்விட்டர் பக்கத்தில் பகிர்ந்துள்ளார். இந்த ட்ரைலர் தமிழ் மற்றும் தெலுங்கு மொழிகளில் வெளியிடப்பட்டுள்ளது. மேலும் தற்போது இணையத்தில் வைரலாகி வருகிறது.
