விஜய்யின் கடைசி படமான தளபதி 69ல் சிவராஜ்குமார் முக்கிய கதாபாத்திரத்தில் ஒப்பந்தம்!

 தளபதி 69 படத்தில் நடிக்க உள்ளதாக பிரபல கன்னட நடிகர் சிவ ராஜ்குமார் தெரிவித்துள்ளார். 

தளபதி 69 படத்தில் நடிக்கும் சூப்பர் ஸ்டார்: தமிழ் சினிமாவில் முன்னணி நடிகர்களின் ஒருவராக ஜொலித்து கொண்டிருப்பவர் தான் நடிகர் விஜய். இவர் நடிப்பில் கடைசியாக வெளியான கோட் திரைப்படம் ரசிகர்கள் மத்தியில் அமோக வரவேற்பை பெற்றது. இப்படம் கிட்டத்தட்ட 450 கோடிக்கு மேல் வசூல் செய்து சாதனை படைத்தது.

இதனை தொடர்ந்து தற்போது அவர் வினோத் இயக்கத்தில் உருவாகி வரும் தளபதி 69 படத்தில் நடித்து வருகிறார். இந்த படத்தில் அவருடன் சேர்ந்து, பூஜா ஹெக்டே, பிரகாஷ் ராஜ், பூஜா ஹெக்டே, பாபி தியோல், கௌதம் வாசுதேவ் மேனன், நரேன், பிரியாமணி, மமிதா பைஜு மற்றும் CWC மோனிஷா ப்ளெஸி ஆகியோர் நடித்து வருகின்றனர்.

மேலும் இந்த படம் விஜய்யின் கடைசி திரைப்படம் என்பதால் ரசிகர்கள் மத்தியில் பெரும் எதிர்பார்ப்பு இருந்து வருகிறது. அதன் பிறகு விஜய் தமிழக வெற்றிக் கழகம் என்ற கட்சியில் தொடர்ந்து ஈடுபட இருக்கிறார். இந்நிலையில் தளபதி 69 படத்தில் சூப்பர் ஸ்டார் நடிக்க இருப்பதாக தகவல் வெளியாகியுள்ளது.

அதாவது விஜய்யின் கடைசி படமான தளபதி 69ல்  கன்னட நடிகர் சிவராஜ் குமார் ஒரு முக்கிய ரோலில் நடித்து வருவதாக பேட்டியில் தெரிவித்து இருக்கிறார். இவர் கடந்த ஆண்டு வெளியான ஜெயிலர் படத்தில் நடித்திருந்தார் என்பது குறிப்பிடத்தக்கது. சிவராஜ் குமார் நடிக்க இருப்பதால் படத்தோட ஹைப் எகிற தொடங்கியுள்ளது.