'நந்தன்' திரைப்படத்தின் புகைப்படத்தை பகிர்ந்த சசிகுமார்!

சரவணன் இயக்கத்தில் சசிகுமார் நடித்த 'நந்தன்' திரைப்படத்தின் புகைப்படத்தை நடிகர் சசிகுமார் எக்ஸ் தளத்தில் பகிர்ந்துள்ளார்.

சுப்ரமணியபுரம் படத்தின் மூலம் இயக்குநராக அறிமுகமானவர் சசிகுமார்.  இன்றும் விமர்சகர்கள், ரசிகர்கள் மத்தியில் இத்திரைப்படம் தனி கவனத்தைப் பெற்று வருகிறது.
சுப்ரமணியபுரத்துக்குப் பின் 'ஈசன்' படத்தை இயக்கிய சசிகுமார் அதன்பின் நடிப்பதில் கவனம் செலுத்தினார். வெற்றி, தோல்வியென சென்ற அவர் நடிப்பு வாழ்க்கையில் இறுதியாக வெளியான 'அயோத்தி' வெற்றிப்படமாக அமைந்ததுடன் நல்ல பெயரையும் பெற்றுத் தந்தது.

இதையும் படியுங்கள்: ஆருத்ரா நிறுவன மோசடி வழக்கு: துபாய்க்கு தப்பிச்சென்ற இயக்குநர் கைது!

இந்நிலையில், உடன்பிறப்பே' படத்தை இயக்கிய இரா.சரவணன் இயக்கத்தில் சசிகுமார் நடித்த 'நந்தன்' திரைப்படம் படப்பிடிப்பு முடிந்த பின்பும் நீண்ட நாள்களாகத் திரைக்கு வராமல் இருக்கிறது.

தற்போது,  இத்திரைப்படம் தொடர்பான புகைப்படத்தை சசிகுமார் எக்ஸ் தளத்தில் பகிர்ந்துள்ளார். இதனால், இப்படத்தின் வெளியீட்டுத் தேதி விரைவில் அறிவிக்கப்படும் என எதிர்பார்க்கப்படுகிறது.