RIP to the GOAT அகிரா டோரியாமா | டிராகன் பால் மங்கா கலைஞர் காலமானார் | சோகத்தில் அனிமே உலகம்!
டிராகன் பால் உருவாக்கிய ஜப்பானிய மங்கா கலைஞரான அகிரா டோரியாமா காலமானார்.
மாங்கா, அனிமே மற்றும் பாப் கலாச்சார உலகில் ஒரு அழியாத முத்திரையாக திகழும் டிராகன் பால் மங்காவின் படைப்பாளியான அகிரா டோரியாமா மார்ச் 1 அன்று தனது 68-வது வயதில் காலமானார். அவர் இறந்து ஒரு வாரத்திற்குப் பிறகு மார்ச் 8 வியாழன் அன்று அதிகாரப்பூர்வ டிராகன் பால் இணையதளத்தில் அவர் கடுமையான சப்டுரல் ஹீமாடோமா காரணமாக இறந்ததாக செய்தி பகிரங்கப்படுத்தப்பட்டது. மேலும், இறுதிச் சடங்கு நெருங்கிய உறவினர்களால் மட்டுமே நடைபெற்றது.
இவர் 1955 இல் ஜப்பானின் ஐச்சியில் உள்ள நகோயாவில் அவர் பிறந்தார். 1984 இல் அவர் டிராகன் பால் என்ற வசீகரிக்கும் பிரபஞ்சத்தை உலகிற்கு அறிமுகப்படுத்தினார், இது பல தசாப்தங்களாக பார்வையாளர்களை கட்டிப்போட்டு வருகிறது. மாயமான டிராகன் பந்துகளை சேகரிக்க கோகு மற்றும் அவரது நண்பர்கள் சாகசங்களில் ஈடுபடும் கதை, உலகம் முழுவதும் உள்ள ரசிகர்களின் இதயங்களையும் கவர்ந்தது.
டோரியாமாவின் செல்வாக்கு டிராகன் பால் பிரபஞ்சத்திற்கு அப்பால் நீண்டது, அவர் மங்கா தொடரான சாண்ட் லேண்ட் மற்றும் சமீபத்திய பிளாக்பஸ்டர் படமான டிராகன் பால் சூப்பர் உட்பட பலவிதமான படைப்புகளில் தொடர்ந்து பணியாற்றினார். அவரது தனித்துவமான கலை பாணி, வெளிப்படையான கதாபாத்திரங்கள் மற்றும் அசத்தலான காட்சிகளால் மிகவும் பிரபலமான மங்கா கலைஞர்களில் ஒருவராக அவர் அறியப்படுகிறர்.
பழம்பெரும் படைப்பாளிக்கு ஒரு பிரியாவிடை
டோரியாமா காலமான செய்தி அவரது, ரசிகர்களை அதிர்ச்சிக்குள்ளாக்கியுள்ளது மற்றும் அனிமே சமூகத்தை சோகத்தில் ஆழ்த்தியுள்ளது.இந்நிலையில், டோரியாமாவுக்கு ரசிகர்கள் பலரும் சமூக ஊடகங்கள் வழியாக அஞ்சலி செலுத்தி வருகின்றனர். டோரியாமாவின் குடும்பம் ஏற்கனவே இறுதிச் சடங்குகளை முடித்துள்ள நிலையில் ஒரு பெரிய நினைவுக் கூட்டத்திற்கான திட்டங்கள் எதிர்கால தேதியில் அறிவிக்கப்படும் என்று எதிர்பார்க்கப்படுகிறது.