“திருமாவளவனின் உழைப்புக்குக் கிடைத்த அங்கீகாரம்” - முதலமைச்சர் மு.க.ஸ்டாலின் வாழ்த்து!

விடுதலை சிறுத்தைகள் கட்சி, அங்கீகரிக்கப்பட்ட மாநில கட்சி என்று அறிவித்ததுடன் அதற்கு பானை சின்னத்தையும் இந்திய தேர்தல் ஆணையம் ஒதுக்கி உள்ளது. கடந்த நாடாளுமன்ற தேர்தலில் போட்டியிட்ட விடுதலை சிறுத்தைகள் கட்சி 2 தொகுதிகளிலும் வெற்றி பெற்றது. இதையடுத்து இந்திய தேர்தல் ஆணையம் விடுதலை சிறுத்தைகள் கட்சிக்கு மாநில கட்சி என்ற அங்கீகாரத்தை அளித்துள்ளது.

இந்த நிலையில் மாநிலக் கட்சியாக அங்கீகரிக்கப்பட்டதைத் தொடர்ந்து விடுதலை சிறுத்தைகள் கட்சிக்கு முதலமைச்சர் மு.க.ஸ்டாலின் வாழ்த்து தெரிவித்துள்ளார். இதுதொடர்பாக அவர் தனது ட்விட்டர் (எக்ஸ்) பக்கத்தில் கூறியிருப்பதாவது,

"விடுதலைச் சிறுத்தைகள் கட்சியை அங்கீகரிக்கப்பட்ட மாநிலக் கட்சியாக தேர்தல் ஆணையம் அதிகாரப்பூர்வமாக அறிவித்திருப்பதை அறிந்து மகிழ்கிறேன். அன்புச் சகோதரர் திருமாவளவன் உழைப்புக்குக் கிடைத்த அங்கீகாரமாக இதை எண்ணிப் பாராட்டுகிறேன்". இவ்வாறு முதலமைச்சர் மு.க.ஸ்டாலின் பதிவிட்டுள்ளார்.