”ராக்காயி” - #Nayanthara பிறந்தநாளில் புதிய படத்தின் டைட்டிலை அறிவித்த படக்குழு!

நயன்தாராவின் பிறந்தநாள் இன்று கொண்டாடப்படும் நிலையில் புதிய படத்தில் ராக்காயி என தலைப்பு வைத்துள்ளதாக படக்குழு அறிவித்துள்ளது.

தமிழ் திரையுலகின் லேடி சூப்பர் ஸ்டாரான நயன்தாரா, இயக்குநர் விக்னேஷ் சிவனை கடந்த 2022ஆம் ஆண்டு காதலித்து திருமணம் செய்து கொண்டார். இவர்களின் திருமணம் தொடர்பான ஆவணப்படம் ‘Nayanthara: Beyond the Fairy Tale’ இன்று வெளியாகியுள்ளது. நயன்தாராவின் பிறந்தநாள் இன்று கொண்டாடப்பட உள்ள அவரின் அடுத்தடுத்த படைப்புகள் குறித்த அப்டேட்களும் இன்று வெளியாகும் ரசிகர்கள் எதிர்பார்த்துள்ளனர்.

இந்நிலையில் நயன்தாரா நடிப்பில் உருவாகி உள்ள அடுத்த படத்தின் டைட்டில் மற்றும் டீசரை வெளியிடுவதாக போஸ்டர் ஒன்றை வெளியிட்டு படக்குழு அறிவித்த நிலையில் படத்தின் டைட்டிலை படக்குழு அதிகாரப்பூர்வமாக அறிவித்துள்ளது. இதுகுறித்து படக்குழு வெளியிட்ட போஸ்டரில் நயன்தாரா கையில் உலக்கை வைத்து இருக்க அவருக்கு முன் பெரிய ரவுடிகள் இருப்பது போல காட்சிகள் அமைந்துள்ளது. இப்படத்தை டிரம்ஸ்டிக்ஸ் ப்ரொடக்ஷன் மற்றும் மூவிவெர்ஸ் இந்தியா தயாரிப்பு நிறுவனம் இணைந்து தயாரித்துள்ளது.

புதிய படத்தின் பெயரை ராக்காயி என படக்குழு வெளியிட்டுள்ளது. டிரம்ஸ்டிக்ஸ் ப்ரொடக்ஷன் இதற்கு முன் இமைக்கா நொடிகள், யானை, திரிஷா இல்லனா நயன்தாரா போன்ற வெற்றி திரைப்படங்களை இயக்கியது குறிப்பிடத்தக்கது. படத்தின் இயக்குனர் மற்றும் சக நடிகர்கள்களை பற்றிய தகவல் விரைவில் வெளியாகும் என எதிர்ப்பார்க்கப்பட்ட நிலையில் செந்தில் நல்லசாமி இயக்கும் இத்திரைப்படத்திற்கு இசையமைப்பாளர் கோவிந்த் வசந்தா இசையமைக்க உள்ளதாகவும் அறிவிப்பு வெளியாகியுள்ளது.