#ProKabaddiLeague |  யு மும்பா, தெலுங்கு டைட்டன்ஸ் அணிகள் வெற்றி!

புரோ கபடி லீக் போட்டியின் நேற்றைய ஆட்டத்தில் யு மும்பா, தெலுங்கு டைட்டன்ஸ் அணிகள் வெற்றி பெற்றன.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இதையும் படியுங்கள் : ‘தக் லைஃப்’ படத்தின் சிறப்பு போஸ்டரை வெளியிட்டு நடிகர் கமல்ஹாசனுக்கு பிறந்தநாள் வாழ்த்து தெரிவித்த படக்குழு!

இந்த நிலையில், நேற்று (நவ.6) நடைபெற்ற முதல் லீக் ஆட்டத்தில் பாட்னா பைரேட்ஸ் - யு மும்பா அணிகள் மோதின. விறுவிறுப்பாக நடைபெற்ற இந்த ஆட்டத்தில் யு மும்பா அணி 42-40 என்ற புள்ளி கணக்கில் பாட்னா பைரேட்ஸ் அணியை வீழ்த்தி வெற்றி பெற்றது. இதனையடுத்து, 9 மணிக்கு நடைபெற்ற 2வது லீக் ஆட்டத்தில் தமிழ் தலைவாஸ் - தெலுங்கு டைட்டன்ஸ் அணிகள் மோதிக் கொண்டன. தொடக்கம் முதலே பரபரப்பாக நடைபெற்ற இந்த ஆட்டத்தில் இரு அணிகளும் மாறி மாறி புள்ளிகள் சேகரித்தன. இறுதிவரை 35-34 என்ற புள்ளிக்கணக்கில் தமிழ் தலைவாஸை வீழ்த்தி தெலுங்கு டைட்டன்ஸ் அணி திரில் வெற்றி பெற்றது.