#ProKabaddiLeague |  பெங்கால் வாரியர்ஸை வீழ்த்தி தெலுங்கு டைட்டன்ஸ் அபார வெற்றி!

புரோ கபடி லீக் போட்டியின் இன்றைய ஆட்டத்தில் பெங்கால் வாரியர்ஸ் அணியை வீழ்த்தி தெலுங்கு டைட்டன்ஸ் அபார வெற்றி பெற்றது.

11-வது புரோ கபடி லீக் போட்டி ஹைதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இந்த தொடரின் முதற்கட்ட லீக் ஆட்டங்கள் ஹைதராபாத்தில் நடந்து முடிந்தன. இதனையடுத்து தொடரின் 2வது கட்ட லீக் ஆட்டங்கள் நொய்டாவில் நடைபெற்று வருகின்றன. இந்த நிலையில், இந்த தொடரில் இன்று (நவ.21) நடைபெற்ற முதல் லீக் ஆட்டத்தில் பெங்கால் வாரியர்ஸ் - தெலுங்கு டைட்டன்ஸ் அணிகள் மோதிக்கொண்டன.

ஆரம்பம் முதலே இரு அணிகளும் விறுவிறுப்பாக ஆடி பாயிண்டுகளை சேர்த்தன. இறுதியில் 31 - 29 என்ற புள்ளிக் கணக்கில் பெங்கால் வாரியர்ஸ் அணியை வீழ்த்தி தெலுங்கு டைட்டன்ஸ் அபார வெற்றி பெற்றது. பாயிண்ட்ஸ் டேபிளில் தெலுங்கு டைட்டன்ஸ் அணி முதல் இடத்திலும், பெங்கால் வாரியர்ஸ் அணி 10 வது இடத்திலும் உள்ளன. தொடர்ந்து 2வது ஆட்டத்தில் பெங்களூரு புல்ஸ் - ஹரியான ஸ்டீலர்ஸ் அணிகள் விளையாடி வருகின்றன.