#ProKabaddiLeague | பெங்கால் வாரியர்ஸ், ஹரியானா ஸ்டீலர்ஸ் அணிகள் வெற்றி!

புரோ கபடி லீக் போட்டியின் நேற்றைய ஆட்டத்தில் பெங்கால் வாரியர்ஸ், ஹரியானா ஸ்டீலர்ஸ் அணிகள் மோதுகின்றன.

11-வது புரோ கபடி லீக் போட்டி ஐதராபாத்தில் கடந்த 18ம் தேதி தொடங்கியது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் ‘பிளே-ஆப்’ சுற்றுக்கு தகுதி பெறும். லீக்கில் ‘டாப்-2’ இடங்களை வசப்படுத்தும் அணிகள் நேரடியாக அரையிறுதிக்குள் அடியெடுத்து வைக்கும். 3 முதல் 6 இடங்களை பெறும் அணிகள் வெளியேற்றுதல் சுற்றில் மோதி அதில் வெற்றி பெறும் 2 அணிகள் அரையிறுதிக்கு தகுதி பெறும்.

இந்த நிலையில், இந்த தொடரில் நேற்று நடைபெற்ற முதல் லீக் ஆட்டத்தில் பெங்கால் வாரியர்ஸ் - உபி யோதா அணிகள் மோதின. தொடக்கம் முதலே இரு அணிகளும் சிறப்பாக ஆடின. இறுதியில் இந்தப் போட்டியில் 32-29 என்ற புள்ளிக்கணக்கில் பெங்கால் வாரியர்ஸ் அணி திரில் வெற்றி பெற்று முதல் வெற்றியைப் பதிவு செய்தது.

மற்றொரு ஆட்டத்தில் ஹரியானா ஸ்டீலர்ஸ் - ஜெய்ப்பூர் பிங்க் பாந்தர்ஸ் அணிகள் மோதிக்கொண்டன. இறுதியில் ஹரியானா ஸ்டீலர்ஸ் அணி 37-25 என்ற புள்ளி கணக்கில் வெற்றி பெற்றது. இன்றைய ஆட்டங்களில் பாட்னா பைரட்ஸ் - தமிழ் தலைவாஸ் (இரவு 8 மணி), பெங்களூரு புல்ஸ்- புனேரி பால்டன் (இரவு 9 மணி) அணிகள் மோதுகின்றன.