ரஷ்ய அதிபரின் இந்திய வருகையை உறுதிபடுத்திய பிரதமர்!
"இந்த ஆண்டு இறுதியில் இந்தியா வரவிருக்கும் ரஷ்ய அதிபர் புதினை வரவேற்க ஆவலுடன் உள்ளேன்," என்று பிரதமர் நரேந்திர மோடி தனது எக்ஸ் தளத்தில் பதிவிட்டுள்ளார்.
இந்தப் பதிவு, இந்தியா-ரஷ்யா உறவின் முக்கியத்துவத்தையும், இரு நாடுகளுக்கும் இடையிலான ஒத்துழைப்பையும் உறுதிப்படுத்தியுள்ளது. பிரதமர் மோடியும், ரஷ்ய அதிபர் புதினும் அண்மையில் தொலைபேசி வாயிலாக உரையாடியபோது, உக்ரைனில் ஏற்பட்டுள்ள சமீபத்திய முன்னேற்றங்கள் குறித்து விவாதிக்கப்பட்டது. இதற்காக, பிரதமர் மோடி புதினுக்கு நன்றி தெரிவித்துள்ளார்.
மேலும், இந்த உரையாடலின்போது, இரு நாடுகளுக்கு இடையேயான மூலோபாய கூட்டாண்மையை மேலும் வலுப்படுத்துவது குறித்து விவாதிக்கப்பட்டதாகத் தெரிகிறது.
இந்த வருகை, இரு நாடுகளுக்கும் இடையேயான பாதுகாப்பு, வர்த்தகம், எரிசக்தி மற்றும் தொழில்நுட்பத் துறைகளில் உள்ள ஒத்துழைப்பை மேம்படுத்தும் என எதிர்பார்க்கப்படுகிறது. சர்வதேச அளவில் ஏற்பட்டுள்ள பல்வேறு மாற்றங்களுக்கு மத்தியில், இந்தச் சந்திப்பு உலக அரங்கில் பெரும் முக்கியத்துவம் வாய்ந்ததாகப் பார்க்கப்படுகிறது.
