கேப்டன் விஜயகாந்திற்கு பிரியாவிடை கொடுத்த பிரேமலதா விஜயகாந்த்...

இதையடுத்து, இன்று பகல் 2.30 மணிக்கு தீவுத்திடலில் இருந்து விஜயகாந்த் இறுதி ஊர்வலம் புறப்பட்டது.  கோயம்பேட்டில் உள்ள தேமுதிக அலுவலகத்தில் நல்லடக்கம் செய்வதற்கான அனைத்து ஏற்பாடுகளும் செய்யப்பட்டு வருகின்றன. மறைந்த தேமுதிக தலைவா் விஜயகாந்த் இறுதிப் பயணத்துக்கு, முழு அரசு மரியாதை வழங்கப்படும் என்று முதல்வா் மு.க.ஸ்டாலின் அறிவித்திருந்தார்.

விஜயகாந்தின் இறுதி ஊர்வலத்தில், வழிநெடுகிலும் ஆயிரக்கணக்கான தொண்டர்கள் கண்ணீருடன் இறுதி அஞ்சலி  செலுத்தி வந்தனர். கேப்டன்... கேப்டன்... என தொண்டர்கள்  கண்ணீருடன் பிரியாவிடை அளித்து வருகின்றனர்.

இந்நிலையில், மறைந்த தேமுதிக தலைவர் விஜயகாந்தின் உடலுக்கு கடைசியாக ஒருமுறை அஞ்சலி செலுத்துவதற்காக, சென்னை கோயம்பேடு தேமுதிக அலுவலகம் அமைந்துள்ள பகுதியில் மக்கள் கூட்டம் அலைமோதுகிறது. விஜயகாந்த் இறுதி ஊர்வலம் கோயம்பேட்டில் உள்ள தேமுதிக அலுவலகத்திற்கு மாலை 6 மணி அளவில் வந்தடைந்தது.  அங்கு விஜயகாந்த் உடலுக்கு இறுதிச் சடங்குகள் நடைபெற்றன. பின்னர் புரட்சி கலைஞர் கேப்டன் விஜயகாந்த் என பெயர் பொறிக்கப்பட்ட சந்தனப்பேழையில் விஜயகாந்தின் உடல் வைக்கப்பட்டது.

தேமுதிக அலுவலகத்தில் கேப்டன் விஜயகாந்தின் உடலுக்கு முதலமைச்சர் மு.க.ஸ்டாலின் இறுதி அஞ்சலி செலுத்தினார். பின்னர், கேப்டன் விஜயகாந்த் உடலுக்கு 72 குண்டுகள் முழங்க அரசு மரியாதை செலுத்தப்பட்டது.  தற்போது இறுதி சடக்குகள் நடைபெற்று வரும் நிலையில், கேப்டன் விஜயகாந்திற்கு  அவரின் இரு மகன்களும், பிரேமலதா விஜயகாந்த் மற்றும் அவ்ர் குடும்பத்தினர் அனைவரும் பிரியாவிடை கொடுத்தனர்.