பிரபுதேவாவின் “பேட்ட ராப்” திரைப்படம் - #Release தேதியை அறிவித்த படக்குழு!
நடிகர் பிரபுதேவாவின் பேட்ட ராப் திரைப்படத்தின் ரிலீஸ் தேதி குறித்த அறிவிப்பை படக்குழு வெளியிட்டுள்ளது.
நடன இயக்குநராக இருந்து நடிகர், இயக்குநர் என பாலிவுட் வரை வெற்றிகரமாக வலம் வருபவர் பிரபு தேவா. தமிழில் இவர் நடிப்பில் இறுதியாக வெளியான பொய்க்கால் குதிரை, பாகீரா ஆகிய திரைப்படங்கள் கலவையான விமர்சனங்களைப் பெற்றது. தற்போது விஜய்யின் ‘கோட்’ திரைப்படத்தில் நடித்து வருகிறார்.
![](https://i0.wp.com/news7tamil.live/wp-content/uploads/2024/06/postcard-2024-06-12T163325.988.webp?fit=960%2C540&ssl=1)
மலையாள இயக்குநர் எஸ்.ஜே.சினு இயக்கத்தில் பிரபுதேவா கதாநாயகனாக நடிக்கும் திரைப்படம் ‘பேட்ட ராப்’ . அதேநேரம், நாயகனாக 'மூன் வாக்' திரைப்படத்திலும் பிரபுதேவா நடிக்கிறார். ‘பேட்ட ராப்’ திரைப்படத்தின் கதாநாயகியாக நடிகை வேதிகா நடித்துள்ளார். புளூ ஹில் பிலிம்ஸ் தயாரிப்பில் உருவாகியுள்ள இந்த திரைப்படத்திற்கு டி. இமான் இசையமைக்கிறார்.
மேலும், விவேக் பிரசன்னா, பகவதி பெருமாள், ரமேஷ் திலக், கலாபவன் ஷாஜோன், மைம் கோபி, ரியாஸ் கான் உள்ளிட்ட பலர் இந்த திரைப்படத்தில் நடித்துள்ளனர். மேலும், பாலிவுட் நடிகை சன்னி லியோன் ஒரு பாடலுக்கு நடனமாடி இருக்கிறார். இந்நிலையில், ‘பேட்ட ராப்’ திரைப்படம் விரைவில் திரைக்கு வரவுள்ளதால் திரைப்படத்தின் டீசரை சமீபத்தில் படக்குழுவினர் வெளியிட்டனர்.
இந்த நிலையில் படத்தின் ரிலீஸ் தேதி குறித்து தற்பொழுது படக்குழு அறிவித்துள்ளது. இந்த திரைப்படம் செப்டம்பர் 27 ஆம் தேதி உலகமெங்கும் வெளியாகவுள்ளது. படத்திற்கு தணிக்கைக் குழு யு/ஏ சான்றிதழ் வழங்கியுள்ளது குறிப்பிடத்தக்கது.