பொங்கல் சிறப்பு தொகுப்பு - நாளை முதல் 9-ம் தேதி வரை டோக்கன் விநியோகம்!

பொங்கல் சிறப்பு தொகுப்பு வழங்க நாளை முதல் ஜன.9-ம் தேதி வரை டோக்கன் விநியோகம் செய்யப்பட உள்ளது.

தமிழ்நாடு மக்கள் பொங்கல் பண்டிகையை கொண்டாடும் வகையில்,  ஆண்டுதோறும் ரேசன் கடைகளில் பரிசுத் தொகுப்பு வழங்கப்பட்டு வருகிறது.  அந்த வகையில், வருகிற பொங்கல் பண்டிகைக்கு ரூ.1000 ரொக்கம், 1 கிலோ பச்சரிசி, 1 கிலோ சர்க்கரை, ஒரு முழு கரும்பு ஆகியவை வழங்கப்படும் என தமிழ்நாடு அரசு அறிவித்துள்ளது.

இதையும் படியுங்கள்: தங்கம் விலை சரிவு…ஒரு சவரன் எவ்வளவு தெரியுமா?

இந்த நிலையில், பொங்கல் பரிசுத்தொகுப்பு விநியோகத்திற்காக நாளை (ஜன.7)  முதல் டோக்கன் வழங்கப்பட உள்ளது.  நாளை (ஜன.7) முதல் ஜன.9-ம் தேதி வரை டோக்கன் வழங்கப்படும்.  இதனைத் தொடர்ந்து ஜன.10-ம் தேதி முதல் ஜன.13-ம் தேதி வரை டோக்கனில் குறிப்பிட்ட நேரத்தில்  நியாய விலை கடைகளில் பொங்கல் தொகுப்பை குடும்ப அட்டைதாரர்கள் பெற்றுக் கொள்ளலாம்.

மேலும் பொங்கல் தொகுப்பை 13-ம் தேதிக்குள் பெற முடியாதவர்கள் 14-ம் தேதி பெற்றுக் கொள்ளலாம் என தெரிவிக்கப்பட்டுள்ளது.