'நிலவுக்கு என் மேல் என்னடி கோபம்' - 2வது பாடலின் அப்டேட் வெளியீடு!
'நிலவுக்கு என் மேல் என்னடி கோபம்' திரைப்படத்தின் இரண்டாவது பாடல் வரும் 25ம் தேதி வெளியாகும் என அறிவிக்கப்பட்டுள்ளது.
தனுஷ், ராஜ் கிரண் நடித்த 'பவர் பாண்டி' திரைப்படம் மூலம் இயக்குநராக அறிமுகமானார். இதனைத் தொடர்ந்து தனுஷ் கடைசியாக இயக்கி, நடித்த 'ராயன்' திரைப்படம் நல்ல வரவேற்பைப் பெற்றது. தற்போது தனுஷ் இயக்கத்தில் மூன்றாவது திரைப்படமாக 'நிலவுக்கு என் மேல் என்னடி கோபம்' உருவாகியுள்ளது. மேலும் 'இட்லி கடை' எனும் திரைப்படத்தை தானே இயக்கி நடித்து வருகிறார். இந்த திரைப்படம் அடுத்த ஆண்டு ஏப்ரல் மாதம் திரைக்கு வர தயாராகி வருகிறது.
'நிலவுக்கு என் மேல் என்னடி கோபம்' திரைப்படத்தின் மூலம் தனுஷின் சகோதரி மகன் பவிஷ் கதாநாயகனாக அறிமுகமாகிறார். இப்படத்தில் அனிகா சுரேந்திரன், பிரியா பிரகாஷ் வாரியர், மாத்யூ தாமஸ், வெங்கடேஷ் மேனன் உட்பட பலர் நடிக்கின்றனர். ஜி.வி.பிரகாஷ் குமார் இசையமைத்துள்ள இந்தப் படத்தை வுண்டர்பார் பிலிம்ஸ் தயாரிக்கிறது.
இதையும் படியுங்கள் : அடுத்த 3 மணி நேரத்தில் 8 மாவட்டங்களில் மழைக்கு வாய்ப்பு – வானிலை ஆய்வு மையம் தகவல்!
இதற்கிடையில், இந்த திரைப்படத்தின் ஃபர்ஸ்ட் சிங்கிளான 'கோல்டன் ஸ்பாரோ' என்ற பாடல் சமீபத்தில் வெளியானது. கோல்டன் ஸ்பேரோ பாடலை சுபலட்சுமி, ஜி.வி பிரகாஷ் குமார் , தனுஷ் மற்றும் அறிவு ஆகியோர் இணைந்து பாடியுள்ளனர்.
இந்தநிலையில் தற்போது இப்படத்தின் இரண்டாவது பாடலின் அப்டேட் ஒன்று வெளியாகி உள்ளது. அதன்படி,வருகிற 25-ந் தேதி 'காதல் பெயில்' என்ற பாடல் வெளியாக உள்ளது. இந்த பாடலை தனுஷ் பாடியுள்ளார்.
